299. 2025 දෙසැම්බර් 06 වෙන්කර තබා ගන්න!

සුභාශ් ගුණවර්ධන හෙවත් දුකාගේ මුහුණු පොතේ පලවූ සටහනක් එලෙසම මෙහි ඇලෙව්වෙමි!

ලඟදී දවසක අපේ යාලු කෙහෙල් කොටුවේ පුංචි මහත්තයා හෙවත් බුද්ධි ප්‍රසාද් ගේ උපන්දිනේට සුබ පතන්න කෝල් එකක් දුන්නා.

"කාලෙකින් පරන බ්ලොගර්ස්ලා මුනගැහුණේ නෑ දුකා අයියා" කියලා බුද්ධි කිව්වහම අපි පරන බ්ලොග් ලියපු කාලේ, බ්ලොග් සැණකෙලි ගැන කතා කලා සෑහෙන කාලයක්.

සිංහලෙන් ලිව්ව බ්ලොගර්ස්ලගේ අන්තිම සයිබර් ෆෙස්ටිවල් එක තිබ්බේ 2011දි වගේ කියලා අපි කතා වුනේ.

"මගේ viroosh sports complex” එකේ ක්‍රිකට් ස්ටේඩියම් එක මම ෆ්‍රී දෙන්නම්. පරන බ්ලොගර්ස්ලා ආයේ මුනගස්වන්න අපි Blogger’s Reunion එකක් කරමු කියලා මම යෝජනා කලා.

The Last Raw එකේ අනුරාධ සංජය - ඕනයා, මගේ මරණය, වෙනී අයියා, රුචක, මීගොඩයා, නවම් මාවත, රන්දිල්, කවින්ද්‍යා, ටීනා හෙවත් ෆා ද බ්ලොගී, ඇල්කෙමියා, තේණුවර අයියා, චින්තක අයියා, දේවක, නෙරංජි, සහ තව කීප දෙනෙක්ටම කතා කලා.

ලන්ච් එක සහ DJ වෙනුවෙන් අපි රුපියල් 1,500ක විතර මුදලක් අය කරමු කියලා මම කිව්වහම සමහර අය මතක් කලේ අවුරුදු 14කට-15කට කලින් කරපු සයිබර් ෆෙස්ටිවල් වලටත් අපි එකතු කලේ ඒ වගේ ගානක්නේ කියලා.

ග්‍රවුන්ඩ් එකට ගෙවන්න එක්ක ඒ ගාන කලෙක්ට් කරන්න ඇත්තේ. දැන් ස්ටේඩියම් එක මම ෆ්‍රී දෙන නිසා ලන්ච් එකටයි DJ එකටයි තව අමතර වියදම් වලටයි හිතුවාම 2025ත් ඒ ගානම ඇති කියලා මම කිව්වේ.

ඉස්සර බ්ලොග් ලියපු පොඩි කෙල්ලෝ කොල්ලෝ ඔක්කෝම දැන් ළමයි ඉන්න අම්මලා තාත්තලා - ඒ නිසා ඉස්කෝලේ නිවාඩු දවසක් දාගන්න කිව්ව නිසා ලබන මාසේ (දෙසැම්බර්) 6 වෙනිදා ඉවෙන්ට් එක තියන්න අපි ෆික්ස් කර ගත්තා.

බ්ලොග් එකකින් ලියන්න පටන් අරන් දැන් ලේඛකයෝ ලේඛිකාවෝ වුනු සෑහෙන දෙනක් ඉන්න නිසා ඒ අය ලිව්ව පොත් අනිත් අයට මිලදී ගන්න අවස්තාව හදලා දෙන්න ස්ටෝල් එකක් දාමු කියලා වෙනී අයියා යෝජනා කලා - ඒ කියන්නේ එදාට තමන් ලිව්ව පොත් විතරක් නෙමේ මොනවා හරි ක්‍රියේෂන් කරනවා නම් ඒවා අරන් එන්න ස්ටෝල් එකේ දාමු අපි.

මම අපේ විරූෂ් පේජ් එකේ ඉවෙන්ට් එකක් හැදුවා. ඔයාලා දන්න එදා මෙදාතුර බ්ලොග් ලියන හැම බ්ලොගර් කෙනෙක්ටම ඉවෙන්ට් එකට ඉන්වයිට් කරන්න.

ඔයාලගේ බ්ලොග් එකේ ලින්ක් එක, බ්ලොග් ලියන කාලේ හඳුන්වාදුන්නු බ්ලොග් නම එක්ක කොමෙන්ට් කරන්න.

ලඟඳී අපි එකවුන්ට් නම්බර් එකක් දෙන්නම් ඒකට ටිකට් එකේ ගාන ට්‍රාන්ස්ෆර් කරන්න. ටිකට් ෆී එක කලින් දුන්නම අපිට ලේසියි අදාල තැන් වලට ඇඩ්වාන්ස් එහෙම ගෙවන්න.

මේ පහල ලින්ක් එකෙන් ඉවෙන්ට් එකට යන්න.

එනවා නම් ගොයින් ක්ලික් කරන්න.

ඉවෙන්ට් එකට අදාල ඕනෑම දෙයක් ඒකේ දාන්න.

පලි.

1. මේක ඉවෙන්ට් එක බ්ලොග්ස් ලිව්ව අයට විතරක් නෙමේ - කියවපු, කොමෙන්ට් කරපු ඔක්කෝටම එන්න පුලුවන් එකක්.

2. කලින් කිව්වා වගේ බ්ලොග් ලිව්ව ඔක්කෝම වගේ දැන් දරු පවුල් කාරයෝ කාරියෝ. ඒ නිසා හැමෝම පවුලේ හැමෝම එක්ක එන්න එදාට. ~ සුභාශ් ගුණවර්ධන

https://www.facebook.com/share/1BkZM3Fpsd/?mibextid=wwXIfr

298. Roof Top Tent & හරිත කන්ද කෑම්පින් . . .

මේක ටිකක් විතර දිග කතාවක්. මේ ගැන උනන්දුවක් තියෙන රථ ගාය ඇඟ පුරා තියෙන අයටනම් අවුලක් නැති වෙයි. අනිත් අයත් හිමි හිමීට කියවගෙන යමුකෝ.

කෑම්පින් ට්‍රේලර්ස්, කෑම්පර් වෑන්, කැරවෑන්

කෑම්පින් හෙවත් කඳවුරුකරණය කියන්නේ බොහෝ රටවල තියෙන සුපිරිම විනෝදාංශයක්.

ඉතිං මුල් කාලේ එයාලා දුර බැහැර ගිහිං කූඩාරම් අටවගෙන හිටියාට පහු කාලෙක එයාලට හිතුනා කූඩරමක් වැනි තාවකාලික නිවහනක් තමන්ගේ වාහනේම හදා ගන්න බැරිද කියලා. 

ඒකෙ ප්‍රථිඵලය තමයි කැම්පර් වෑන් කියන එක. මේවා ඇතුලත කුඩා කාමරයක තිබුනු හැම දේම වගේ තිබුනා. සෝපාවක්, මුළුතැන් ගෙයක් සමහර ඒවායේ කුඩා වැසිකිළියක් සහ නාන කාමරයක්, වතුර ටැංකියක් වගේ අංගෝපාංග!

තවත් අයට ඕන උනා වෙනමම ඇදගෙන යන කොටසක්. ඒකෙ ප්‍රථිඵලය විදියට තමයි කෑම්පින් ට්‍රේලර් එක උපදින්නේ. මේවායේ නිදා ගැනීමේ පහසුව තිබුනේ එහෙමත් එකක. ඒත් කෑම්පින් කරණ්න අවශ්‍ය සියළුම අංගෝපාංග මේවා තුල තිබුනා. කුඩා මුළුතැන් ගෙයක් වතුර ටැංකියක් කූඩරම්, පුටු, මේස ඔය වගේ දේවල්. සවල්, පොරෝ, මන්න වගේ දේවල්. හවත් සමහර ඒවායේ කුඩා ජෙනරේටර වගේ ඒවත් තිබුනා. 

මේ කෑම්පින් ට්‍රේලර් වලම වෙනස් විදියේ එකක් තමයි Teardrop Camping Trailer කියන්නේ. ඒකට ඒ නම යෙදිලා තියෙන්නේ එහි හැඩය නිසාමයි. මේක හදලා තිබුනේ පිටුපස කුස්සියකුත් අතුලත නිදා ගැනීමටත් හැකිවන පරිදි!

මටත් පොඩි පහේ ආසාවක් ඇවිත් වරක් හැදුවා Teardrop එකක්. 

දෙල්ගොඩ උඩුපිල පැත්තේ පැත්තක දාලා තිබුනු පරණ ට්‍රේලර් එකක් ගෙනල්ලා 1"x1" Box Iron වලින් රාමුවක් ගහලා මම මේක හැදුවා. පිටිපස්සේ  එකේ ලීටර 80 ක වතුර ටැංකියක්, සින්ක් බේසමක්, ගෑස් ලිපක්, BBQ ග්‍රිල් එකක් තිබුනා.

ඇතුලේ 48" X 72" ප්‍රමාණයේ මෙට්ටයක් තිබුනා. ඒ කියන්නේ තේරෙණ සිංහලෙන් කියනවා නම් ඩබල් බෙඩ් මෙට්ටයක්. මේක ඇදගෙන යන වාහනයට අමුනන්න පාවිච්චි කලේ  ඒවාට සම්මත ඇමුණුම් උපකරණ, සහ වයර් සොකට් ආදිය. ඒ වගේම නවතා තබන විට ඊට සහය වීමට  Jokey wheel එකකුත් සවිකොට තිබුනා. පිටුපස බ්‍රේක් ලයිට් සිග්නල් ලයිට් පාර්කින් ලයිට් සියල්ල ක්‍රියාත්මක උනා. kitchen එකට සහ ඇතුලට LED ලයිට් සවි කොට තිබුනා. එක් නුවර එළියේ සැළලිහිණි වසන්තයකදී එය ගෙන ගියා.

Nuwara Eliya

Nuwara Eliya

Nuwara Eliya

කාලයත් එක්ක මම ඒක විකුණා දැමුවා හික්කඩුවට. කොහොමත් Camping Van එකක් හරි Camping Trailer එකක් හරි පිළිබඳ මගේ ආශාව ඒ විකිණීමෙන් නැතිවී ගියේ නෑ. 

කැන්ගරු දේශයට ගිය විටෙක මම  එහිදී දැක්ක Roof Top Tent එකක්. ඒක මගේ සිත පැහැර ගත්තා විතරක් නෙවෙයි මම එයින් එකක් මෙරටට ගෙනාවා!

Roof Top Tents

මේ තියෙන්නේ දැන් තියෙන නවීනම පන්නයේ Roof Top Tent එකක්.

ඒකෙ එක පැත්තකින් ඉස්සුවාම මෙන්න මේ විදියට පොතක් වගේ දිග ඇරෙණවා. ඇතුලට ගිහිං ඉන්න තමයි තියෙන්නේ.

Kings Adventure Roof Top Tent

අර උඩින් තියෙන සුපිරිය එන්න කලින් තිබුනේ මෙන්න මේ  එක.

ඒක දිග ඇරියාම හිටින්නේ මෙන්න මේ වගේ. ඇතුලෙ මෙට්ටෙකුත් තියෙනවා. ඒකටම ඉනිමගකුත් එනවා.

මේ  එක විනාඩි ගානකින්  pitch කරණ්න පුළුවන් එකක්. පහල තියෙන ලින්ක් එකෙන් මේ ගැන දැක බලා ගන්නම පුළුවන්!

මෙතනින් බලා කියාගෙනම යමු:- Roof Top Tent ඒකේ ක්‍රියාකාරීත්වය හෙවත් වැඩ කෑල්ල! 

අපේ කතාව එහෙම නැතිනම් පෝස්ටුව ඇත්තටම පටන් ගන්නේ මෙතැනින්:-

කැන්ගරු දේශෙට ගිය දවසෙ ඉඳන් මම කල පළමු දේ එකේ FB - Marketplace එකේ උදේ හවා සැරිසරමින් කෑම්පින් බඩු එකතු කරණ එක. මෙහෙම හොයාගෙන හොයාගෙන යන කොට තමයි  එකක් තියෙන බව දැක්කේ. 

ඒක තිබුනේ අපේ නිවස්නයට කිලෝ මීටර 20ක 30ක දුරකින්. මම Google Map එකේ පිහිටෙන් එ තැන හොයාගෙන ගියා. වෙලාව රාත්‍රී 8.00 ටකිට්ටුවී තිබුනා. ඒත් මෙරට හවස හයට වගේ එළිය. මම ඒ රාත්‍රියේ  එකක සාඩම්බර හිමි කරුවෙක් උනා!

ඊළඟ ගැටළුව උනේ මේක මෙරටට ගෙන ඒම. මෙන්න මෙකේ තරාතිරම:-

කොටින්ම මේ "මගුල" අඟල් 57 ක් ඒ කියන්න් අඩි 5 කට කිට්ටු දිගක්  අඩි 4 ක පළලක් එක්ක අඩියකටත් අඟල් 2 ක් විතර උස කිලෝ 70ක එකක්!

මමත් ඇරියේ නෑ. මෙකේ උඩ මොල්ලිය වාගේ ඉස්සිලා තියෙන ඉනිමග ගලවලා; කොටස් කරලා; ඒක ටෙන්ට් එක ඇතුලටම දාලා වැඩේට බැස්සා.

පහුවෙනිදාම ආයේ Marketplace එකේ හෙව්වා පැලට් ලෑලි. අනේ නිකං දෙන තැන් බොහොමයක් තිබුනා. ඒතැනකට ගිහිං මේක දාන්න පුළුවන් තරමේ පෙට්ටියක් හදා ගන්න ලෑලි ගෙනාවා.

Bunnings කියන්නේ මේ ලෝකෙ මම අතරමං වෙන්නම කැමති තැන කිව්වොත් ඒක නිවැරදියි.

සයිස් එක හිතා ගන්නකෝ!

ඒක මහා විශාල නෙවේ දැවැන්ත හාර්ඩ්වෙයාර් සංකීර්ණයක්. ඒක ඇතුලේ නැති අටමංගල්ලයක් නෑ. මේකට ගිහ්ං ඇන 50 පැකට් එකකුයි, කියතකුයි, තව පොඩි අයිටම් ටිකකුයි අරං වැඩේට බැස්සා.

හැදුවා පෙට්ටියක්. මේකත් දාගෙන ගිහිං ධර්මසිරි (Forwarder) ට භාර දීලා ආවා සතියක් විතර ඇතුලත.

මම මෙරටට සැපත් වෙලා තවත් මාස ගණනාවකින් ඔරුගොඩවත්තේ සිලෝන් ෂිපිං ලයින් එකෙන් කෝල් එකක් ආවා.

"බඩු ඇවිත්!"

ගිහිං ගෙදරත් ගෙනාවා!

මේක තිබුනා තවත් මාස ගනනාවක් ඉස්තෝප්පුවේ මුල්ලක!

ගෙදරට එන එවුං මේක ගැන අහන කොට මමත් අතිං පයිං දාලා මේ පෙට්ටිය ඇතුලේ තියෙන මහානර්ඝ වස්තුව ගැන දුන්නා කං පිරෙණ ටෝකක්!

හරියට "ගෙදරක තියෙන්නම ඕන බඩුවක්!" කියලා ඌට හිතෙන්න.

තවත් ටික දවසක් එහේ මෙහේ වෙද්දි  එකේ දැක්කා "අකුන" කියල ඩෑල් එකක් මේ වගේ එකක් Toyota106 truck එකක අමුණගෙන රට වටේ  කරක් ගහනවා. 

"දෙයියනේ ඇයි ඉතිං මම මේක මගේ 106 එකට හයි කර ගන්නේ නැත්තේ?" මම මගෙන්ම ඇහුවා.

පස්සෙ "අකුණ" ගෙනුත් පිංතූර ටිකක් මම ගෙන්වා ගත්තා. ~ ඌ හොඳ එකෙක්!

මේ අකුණගෙ තැඹිළි ගෙඩිය!

ඒත් ඊට වෙනස් විදියකට මම මගේ      Roof Rack එක Design කලා. මගේ සිතුවිල්ල කිරියාවට නැං වූයේ මගේ යකඩ වීරයා හක්බෙල්ලාවක දිනේෂ්!

අන්තිමට වැඩේ මේ විදියට ඉවර උනා!

මේ බලන්න; 

වහලෙ උඩ හයි කරලා තියෙන පොත වගේ එක පැත්තට දිග ඇරියාම තමයි ඔය කූඩාරම හැදෙන්නේ. 

එතකොට ඔය දිග අරින කොටස හිටින්නේ ඔය ඉනිමග උඩ!

පැහැදිළිද?

ඉනිමග ක්‍රියා කරණවා උඩට යන උපක්‍රමය විදියටත් පොලොව මත තියෙන කනුවක් නැතිනම් මුක්කුවක් ලෙසත්. 

මට ඕන උනා මීට වඩා වෙනස් දෙයක් කරණ්න. 

මොකද ඉනිමග පොලොවේ ගැටෙන තැන හරියට තිරස්ව සමතලාව නොතිබුනහොත් නැතිනම් ඒකාකාරී නොවුන හොත් එයින් මෙම ප්‍රයෝජනය ගන්න බැරි වෙනවා. 

මේ නිසාම් මගේ  එකී ඒක රඳවන්න  කරණ්න වෙනමම කොටසක් එක් කලා!

මේ කොටස ලාච්චුවක් වගේ එළියට අදින්නත් ආපහු ඇතුලට දාන්නත් පුළුවන්.

1.8 mmඅඟලේ ගැල්වනයිස් යකඩ පයිප්පය ඇතුලට

 2mm 3/4 ගැල්වනයිස් පයිප්පය දාලා තමයි මේක හැදුවේ.

එතකොට ඉනිමග නැතත් මේක උඩ; ටෙන්ට් එක දිග ඇරලා තියන්න පුළුවන්!

දැන් සියල්ලම හරි. ඊළඟට තියෙන්නේ  කරණ්න යන්න. ඔය අතරේ මම  එකේ වීඩියෝවක් දැක්කා මේ වගේම  Roof Top Camping Tents දෙකක් හයි කරපු Mitsubishi 4WD double cab දෙකක් හරිත කන්දෙ Camping  කරණ්න යනවා. 

 Surah කලා හරිත කන්ද!

අම්මට සිරි පොට් එකක් ඒක!

යන්නම ඕන තැනක්.

අපේ මේ කාලයේ ගමන් සගයා  මුදිත!

කොහොමත් හැටන් යන්න දාගෙන හිටියේ අපේ පවුල් දෙකයි ඊට අමතරව රුමෙෂ්ලගෙ පවුලයි.

ඒ පවුල් දෙක පාවිච්චි කරණ්නේ  Isuzu Big Horn දෙකක්.

අපේ  එකට මම දැම්මා පොඩි විසබීජයක්!

"හරිත කන්ද!"

"මොකද කියන්නේ යමුත . . ?"

වැඩේ එකෙන්ම ස්ථිර උනා. ඊට දවස් දෙක කට ඉස්සෙල්ලා මුදිතගේ   එකේ 4WD හැදුවා අපේ ගෙදරම දාගෙන.

වැඩේට දින නියම වෙලාමයි තිබුනේ. නොවැම්බර් 6 පෝය දවසෙ.

පවුල් තුනයි!

වාහන දෙකයි!!

ඔක්කොම පිරිස දහයයි!!!

අපේ ගෙදර දෙන්නයි, මුදිතයි ලක්මාලියි තරුෂ (මල්ලා), සෙනොරි (නංගා), රුමේෂ්, ලක්ෂිකා, රොමාල් සහ රොමෙයිලි -  ඔන්න දහය!

6-7 හැටන්!

8 හරිත කන්දෙ කෑම්පින්!

"කූඩැල්ලෝ ඉන්නවද, Toilet තියෙනවද?, වතුර තියෙනවද? රෑට ආරක්ෂිතද?" මේ වාගේ අටෝරාසියක් ප්‍රශ්ණ!

සියල්ල විසඳගෙන අපි ගමනට පිටත් උනා.

දවස් දෙකක් හැටන් හිටියා. දවස් දෙකේම වැස්ස වළාහක දෙනවා රඹටි හැළෙන්න!

හැටන් වලින් පිටත් වෙන්න මොහොතකට පෙර!

"අනේ වහිනවා නම් කෑම්පින් බෑ!" කාන්තා නියෝජනය වැස්ස වළාහක දෙවියන්ටත් හපං!

"හරි 8 වෙනිදා උදේට අපි   කරමු මොකද කරණ්ණේ කියලා!" මුදිත කිව්වා.

අට වෙනිදා උදා උනා. හිරු දෙයියෝ අපේ පැත්තේ. උදෙන්ම කාලා මගට බත් ගෙඩි 10 කුත් අරං පිටත් උනා.

කෑම්පින් යන්න නොගත්තේ මොනවාද?

BBQ ග්‍රිල්, ගෑස් ලිපක්, ගෑස් සිළින්ඩර, බාල්දි, Toilet Bawl, හැඳි, ගෑරප්පු, ටෙන්ට්ස්, ජර්නි මැට්ස්, Camping මේසයක්, පුටු දහයක්, Chargeable Lanterns, ලන්තෑරුම්, පැට්‍රෝල් මැක්ස්, භූමිතෙල්,  විදුලි පන්දම්, මවුන්ටන් සයිකලයක්, හුළං පොම්පයක්, උයන පිහින භාජන, පිඟන් කෝප්ප, කපන ලෑල්ලක්,පිහි, වතුර ලීටර 20ක්, බ්ලැන්කට්, කොට්ට, ඩස්බින්, ගාර්බේජ් බෑග්ස් ඔය වගේ අටෝරාසියක් බඩු මගේ 106 ට්‍රක් එකේ පුරවලා. (රා බෝතල් 8, බැලන්ටයින් විස්කි එකක්, බීර ටින් හතරක්, වොඩ්කා බෝතල් දෙකක්, ගල් බෝතල් දෙකක්, කොකා කෝලා, ස්ප්‍රයිට්, ටොනික්, බයිට්, චිකන්, බීෆ් මේවා අමතර දේවල් !)

තනි අකුරේ මිහිර සොයා . . ! 

කිතුල්ගල මල්වත්තේ කන්දක් උඩ;

 දන්නා කියන බ්ලොගීර් කෙනෙක්ට අයිති ඉඩමකට ගිහිං!

හරිත කන්දට යන්න පාර්වල් දෙකක් තියෙනවා. එකක් බගවන්තලාව හරහා Hike එකක්. අනෙක ආගරපතන හරහා වාහනයකට යන්නට හැකි පාරක්.

මේ කොයි පැත්තෙන් ආවත් බොගවන්තලාව හෝ ආගරපතන පොලීසියෙන් අවසර පත්‍රයක් ගන්න ඕන . ඒක මහ අමාරු කාරියක් නම් නොවෙයි.

එන අයගේ ID නොම්මර ටික දාලා ගන්න තියෙන්නේ සතපහක වත් වියදමකින් නැතිව.

වැඩිම කාලයක් ගත වෙන්නේ එතන තියෙන පෝරම දෙක පුරවන්න!

එතනින් පොලිස් සහතිකෙත් අරං අපි එන්න ඕන මැණික් පාළම NLDB ගොවිපොළට. මොකද මේ හරිත කන්ද Campsite  එක තියෙන්නේ; මේ මා මුලින් කිව්ව ගොවිපොළ ඇතුලෙයි.

එතන ගේට්ටුවෙන් එක් පුද්ගලයෙකුට රු:250 කුත් වාහනයකට රු:500 කුත් අරං ඇතුලට ගන්නවා. 

එතැණ් ඉඳන් කිලෝ මීටර 6-8ක් විතර ගමන් කලාමයි මේ  එක තියෙන්නේ. මේ ගොවිපොළ අක්කර 6000ක් කියලයි කියන්නේ.

එතැනට ඇතුළු වෙන කොටම තියෙනවා සුපිරි පාළමක්.

හරිත කන්දට ඇතුල් වෙද්දී . . !

හරිත කන්දට ඇතුල් වෙද්දීම හමුවන්නේ මේ වගේ ලී කොට  දැමූ දාරුමය පාලමක්. එය සකසා තිබුනේ ගස් කඳන් කිහිපයක්; අරියාදුවට පොල් සිටුවනවාක් වැනිව ඇල හරහා දාලාය.

එයින් කිහිපයක් ඇල තුලට ඇද වැටී ඇති අතර ඒවා අතර; වාහනයක ටයරයක් වැටීමට තරම්වූ හිඩැස් විය.

කඳවුරු බිමට පළමුව ඇතුළු වූයේ මාගේ රථය වන විට එහි පසු පස රෝදය කොට දෙකක් අතරට වැටෙන හැටි වීඩියෝවේ සුපිරියටම ඇත.

මේ ලී පාලම Cross කරද්දි පාලම ඇතුලට ට්‍රක් එකේ රෝදෙ වැටුනාටත් වඩා ආතල් වැඩක් උනා. අපි වාහන දෙක හරස් කරගෙන පාලම උඩින් එන්න හදන කොටම එතැනට මෝටර් සයිකල් දෙකක් ආවා තල්ලු කරගෙන. අපි උන්ට යන්න දුන්නා වාහන දෙක පැත්තකට කරලා. අපිට මොකද වෙන්නෙ කියලවත් නොබලා උන් ඉදිරියටම ගියා.

පස්සෙ අපි පාළමෙන් මෙගොඩට ඇවිත් Campsite එක ඇතුලට ආවාමයි තේරුණේ උන් අපි දිහා බලන්නෙ වත් නැතිව ඇවිත් තියෙන්නේ සයිට් එක ඇතුලේ සුපිරිම තැන අල්ල ගන්න කියලා!

ඇත්තටම මුලින්ම තියෙන ගස් දෙක ගාව තමයි කෑම්පින් කරණ්න සුපිරිම ඉඩ කඩක් තියෙන්නේ.

NLDB එකෙන් හරිම ලස්සනට ප්‍රින්ට් කරපු ටිකට් එකක් ලෝභ නැතිව කඩලා දුන්නාට එතැන ආසාවටවත් කෑම්පින් කරණ්න පුළුවන් විදියකට සකසලා නෑ.

දණක් උසට මහා ඝන තනකොළයක් වැවිලා.

යාන්තමින් හරි කූඩාරමක් අටව ගන්න පුළුවන් තැන තමයි අර සයිකල් වලින් ආපු එවුං ටික ආක්‍රමණය කරලා තිබුනේ!

අපි එන්නට කලින් NLDB එකට කතා කලා. ජලය හා වැසිකිළි පහසුකම් ගැන ඇහුවා. එතනදී ඔවුන් ඉතාමත් මිත්‍රශීලීව කතා කලා. වැසිකිළි පිරිසිදු කොට තැබීමට ඔවුන් එකඟ තාවය පලකල. 

ජල සැපයුම පිළිබඳව කිව්වේ වෙනමම කථාවක්.

"මෙතනට එන අය බට කඩලා!" එය නැවත් හදන්නට බට වලට යන වියදම මා දැරීමට හැකිබව කීවිට ඔවුන් පැවසූවේ ඒසඳහා යෙදීමට අවශ්ය පිරිස නොමැති බවය. අවසානයේ කුමක් හෝ කර දෙන්නම් කියා පැවසූවත් වතුර පොදක් සොයා ගැනීමට නොහැකි විය.

දහවල් දෙකක් සහ රාත්‍රියක් ගත කිරීමට අප සතුව තිබුනේ වතුර ලීටර 25ක් පමණි!

පිරිස 10ක් වූ අතර එක් අයෙකු හට පාවිච්චි කිරීමට තිබුනේ වතුර ලීටර 2.5කි. බොන්නට, නාන්නට, මුහුණ සේදීමට, උයා පිහා ගන්නට, කැසිකිළි වැසිකිළි පසසුකම් සඳා තිබුනේ එම ලීටර 2.5 ම පමණි. 

කඳවුරු බිමට අඩිය තැබූ පළමු විනාඩි 15 තුල දීම මේ තත්වය වටහා ගත් අප එයට මුහුණ දීමට ලෑස්ති උනා. මුහුණ සේදීම - දත් මැදීමකට පමණක් සීමා කිරීම ඉන් එකක්.

පිරිමි පාර්ශව වැසිකිළි යෑම පෝස්පෝන් කර ගැනීම තවත් එකක්. 

වතුර රැක ගැනීම සඳහා තිබහට බීර පානය තවත් එකක්! (මරු නේ!)

අපේ වාහන අපි නැවැත්තුවේම ඒවායේ පසු පස කඳවුරු බිම ඇතුල් පැත්තට වෙන්න. ඒනිසාම ඒවායේ ඉඩ අපිට ප්‍රයෝජනයට ගන්න පුළුවන් උනා.

BBQ ග්‍රිල් එක Kitchen Table එක පුටු 10 තියාගෙන අපි එන ගිය බත් මුල් ටික ලෙහා ගත්තා. දැන් වෙලාව දවල් 1.00 ට විතර ඇති.

එතැන ඉඳන් ටිකින් ටික කඳවුරු බිම සංවිධානය කරන්න පටන් ගත්තා. 

වචනයේ පරිසමාප්තයෙන්ම එතැන නවසීලන්තය වගේ තැනක්. අපේ කඳවුරුබිම ඉදිරියෙන් හරිත කන්ද!

එතන තිබුනු ඉඩකඩ සීමා සහිත නිසාම රුමෙශ් මල්ලිලාගේ පවුල විතරයි ටෙන්ට් එකක් ඇතුලේ හිටියේ.

මුදුතගේ  එකේ ඉස්සරහ සීට් දෙකේ මුදිතගේ දුවයි පුතයි හිටියා. මුදිතයි ලක්මාලියි මගේ ට්‍රක් එකේ පිටුපස ඩෙක් එකේ.

අපි හිටියේ මගේ අභිනව Roof Top Camping Tent එකේ. 

ඇත්තටම ඒක සුපිරියක්!

ඉනිමගට Support එකට හදපු උපක්‍රමය නිවැරදිව වැඩ කලා. ඒක නිසාම අපි ඉනිමග පාවිච්චිකලේ උඩට නගින්න විතරමයි.

සත්තකින්ම  Roof Top Tent එකක් කියන්නේ  Camping කරණ එකෙක්ගේ වහලෙ උඩ තියෙන්නම ඕන අයිටම් එකක්.

Roof Top Tent එකක්  නෑ කියන්නේ ජීවිතෙන් භාගයක් ඉවරයි වගේ තමයි මට දැනෙන්නනේ! හි! හි!! 

අපි සියල්ල සැපේ නින්දට ගියත් බොහෝ රෑ වනතුරුත්, පාන්දර වන තුරුත් රුමේශුත් මල්ලාත් ගිණි මැළය වටා අපට තනි රකිමින් සිටි බව දැනගත්තේ පසුදා  උදේය.

සුන්දර හරිත කන්ද

කඳවුරු බිම සකස් කරමින්

කඳවුරු බිම අවට වටාපිටාව . . !

කඳවුරු බිම අවට වටාපිටාව . . !

තේ කෝපි බොමින්!

BBQ

Camp Fire

පසුදින උදෑසන

උදේ වෙන කොට ඉර හරිත කන්ද එළිය කරලා තිබ්බේ. ඊයේ රෑ තිබුනු සීතල තවමත් එහෙමම! රුමේශ් මල්ලි, එයාගෙ පුතා මුදිතගෙ පුතයි දුවයි හරිතකන්ද නගින්න ගියා. එයාලා කන්ද මුදුනටම යන්න පැය දෙකක් විතර ගත උනා. කන්ද මුදුනටම යනකොට පොඩි වැහි වළාවක් එන ලකුණු තිබුනා. තවත් පැය භාගයක් විතර යනකොට කට්ටිය කඳවුරු බිමට ආවා.

දහවල් වෙන්න කලින් අපි කඳවුරු බිමෙන් ඉවත් වෙන්න තීරණය කරලයි තිබුනේ. 

වතුර අවශ්‍යතාවය ඉන් එකක්.

මුදිතගේ පුතා මල්ලයි රුමේශ් මල්ලියි පොඩි ඇල පාරකින් වතුර හොයාගෙන ආවා. ඒත් ඒ වෙන කොට අපි කූඩාරම් අකුල ගනිමින් හිටියේ.

අපේ පෙර සූදානම තරමක් මදි වගේ ගතියකුත් තිබුනා. උදෑසන කෑමට හදලා තිබුනේ නූඩ්ල්ස්. 

කියන්න බැරි උනොත් ලොකු අඩුවක්! මැගී නූඩ්ල්ස් හතරට කඩමින් උයන්නට උදව් කල රුමේශ් මල්ලීගේ ප්‍රිය බිරිඳ ලක්ෂිකා නංගිත් කල මෙහෙය අපට; මළත් පැයක් යන තුරු අමතක කිරීමට බැරිවේවි!

අපිට කලින් ආ කඳවුරු කරුවන්ට අන්තිම වෙලාවේ ගින්දර හොයා ගැනීමට අපෙන් ගිණි පෙට්ටියක් ඉල්ලූ අතර අපි ඊට ගිණි පෙට්ටි දෙකකින් පිළිතුරු සැපයීය.

අපේ කඳවුරු බිමට ඉහලින් සිටි "සිංහල වෙද මහත්වරුන්ටද" අප වතුර ලීටර 5 කින් ආධාර කලා.

ඒකත් කාලා තවත් පොඩි වේලාවකින් අපි පිටත් උනා!

අඩියෝස් අමීගෝස්!

106 - හරිත කන්දෙන් පිටව එද්දී . . . . . !

Bighorn - හරිත කන්දෙන් පිටව එද්දී . . . . . !