THATTAYAGE KOLAMA . . . . . . . . . . . . . තට්ටයාගේ කොලම - Thattaya's Column

හර බර නොව රස බර , නිස්කාන්සුවේ නොව එකසිය ගානට වැඩකටයුතු මැද, පත් අට එකට සිඳුවාගත් කසාය වඩියක් නොව වැඩි සීනි ප්ලේන්ටියක් වී, සමාජයට නියමුවකු නොවී සීන් එකේම එකෙක් ලෙස, පොරක් නොව බුවෙක් විදියට, ටෝක් නොදී කයියක් ගහන, කැළෑ පත්තරයක් නොව; බෙල් එක ගසා බයිසිකලෙන් බෙදන සඟරාවක ඩිජිටල් කොපිය !

Tuesday, March 13, 2018

88. මද විරාමයක්..............!

මෙතෙක් දුර ආ ගමන

කෙතෙක් දුර විහිදුනද

නවත්වන්නට දිනක්

එළඹ එනු ඇත දිනෙක.....

එතෙක් දින ගනින්නට

ලබන්නට ඉසිඹුවක්

සමුගනිමි ඔබෙන් මා

වෙන්වන්න පෙර සදා..........!

පසු ගිය මාස ගනනාවක කාලය පුරා

මා ලියා ආ මෙම සඟරාමය කථිකාව

දින නියමයකින් තොරව නවතා දමන්නට මා සිතුවෙමි.

මෙය අරඹන්නට කිසිවෙකු මූලික නොවූවා සේම

නවතා දමන්නටද මූලිකවූ කිසිවෙකු නොමැත.

මෙය හුදෙක් මාගේ හිතසුව පතාය.

15 comments:

මද්දාMarch 13, 2018 at 5:21 PM
අයියෝ..................
බං කාට නැතත් මට පාඩුයි අයියෙ උඹ නැතිව.
ReplyDelete
Replies
Duminda AbeysekaraMarch 13, 2018 at 5:59 PM
හොඳ සටහන්
ගතිමි නුඹෙන්
සහෝ ඉතින්
සුභම ගමන්....

යළි ලියනතුරු ජයවේවා!!!
ReplyDelete
Replies
කල්‍යාණ මිත්‍රMarch 13, 2018 at 6:14 PM
සේම් හියර් .. ගුඩ් ලක් බ්‍රෝ ..
ReplyDelete
Replies
Praසන්னMarch 13, 2018 at 6:57 PM
නැවත ඉක්මනින් මෙතනදිම හමුවෙයි කියා සිතනවා.
ReplyDelete
Replies
වැසි දැරිය - The Rain Girl March 14, 2018 at 7:15 AM
කියවන්න පටන් ගන්න එද්දිම යන්න හදනවනේ. කියවන්න බලන් ඉන්නවා අපි! ජය වේවා!
ReplyDelete
Replies
අටම්පහුරMarch 14, 2018 at 9:17 AM
මරනවා දැනගනිං
ReplyDelete
Replies
Pra JayMarch 14, 2018 at 11:17 AM
See you soon
ReplyDelete
Replies
IromaniMarch 14, 2018 at 1:24 PM
ඇයි ඔබතුමා බ්ලොග් එක නතර කරන්නේ.මම හරිම කැමැත්තෙන් කියවපු බ්ලොග් එකක් මේක.ඔබ මේ බ්ලොග් එක හරහා ලොකු මෙහෙවරක් කරලා තියනවා. මා නොදන්නා බොහෝ කරුණු මේ හරහා ඉගෙන ගත්තා. ඔබේ පාටක පටිකාවන්ගේ දැනුම වැඩි කරන්න හැකි ඉක්මනින් නැවත ලියන්න. ඔබට ජයවේවා!!!!
ReplyDelete
Replies
තඩියාMarch 14, 2018 at 3:17 PM
+++++++++++++++++++++++++++
ReplyDelete
Replies
Samantha NishanMarch 14, 2018 at 9:44 PM
Change is must
ReplyDelete
Replies
HarshaLulzSecMarch 14, 2018 at 10:29 PM
මද විරාමයක්.

නැවත හමුවෙමු
ReplyDelete
Replies
ඇනෝපිලිස්March 14, 2018 at 10:32 PM
බෝට්ටුවෙන් ගඟේ ගිහිං මහන්සිත් ඇතිනෙ ..
ඒනං ටිකක් රෙස්ට් කරල බයිසිකලෙන් යාපනේ යං ...
ReplyDelete
Replies
දුමිදුMarch 15, 2018 at 1:09 PM
ඉඳලා හිටලා වත් කතා කරන්න පොන් නොම්බරේ එහෙම වෙනස් කරනවා නෙමෙයි .....
ReplyDelete
Replies
සයුරිMarch 30, 2018 at 4:27 AM
හ්හයියෝ
ReplyDelete
Replies

Add comment

Subscribe to: Post Comments (Atom)

Teepee the Campsite

Teepee the Campsite කියන්නේ හක්බෙල්ලාවක - යටියන්තොට තියෙන කඳවුරු බිමක්. මේ ගැන මෙම බ්ලොගයේම පෝස්ට් දෙකක් ලියා පල කරලත් තියෙනවා. ( 161. Teepee the Campsite 1 2020 February / 194. Teepee the Campsit 2 2021 April) මේ ගැන වඩාත් විස්තර දැනගන්න Teepeee the campsite කියලා Google එකේ හෝ fb එකේ සොයා බලන්නට පුළුවන්. Camping/ Kayaking/ Bird Watching/ Cycling සමග සෙනෙහෙබර සැඳෑවක් ගත කරණ්නට එන්න.

සතියේ වැකිය

2018 3rd week of May - 2018 වෙසක් මහේ තෙවන සතිය

If you can't understand my silence ,

you will never understand my wards.....!

ඔබට මාගේ නිහඬ බව තේරුම් ගත නොහැකිවේ නම්

කිසිදා මගේ වදන් තේරුම් ගත නොහේ!

2018 2nd week of May - වෙසක් මහේ අවසන් සතිය

The most beautiful line is........

"But, i love you...!"

The most painful line is.......

"I love you,but...."

හදට ප්‍රියතම වැකිය

"නමුත්! මම ඔයාට ආදරෙයි......"

හද තැවෙනතම වැකිය

"මම ඔයාට ආදරෙයි! නමුත්...."

2nd week of July-ඇසල මසේ දෙවන සතිය

"Think thousand times before taking a decision !

But;

After taking decision never turn back even if you get Thousand difficulties!"

- Adolf Hitler

තීරණයකට එළඹීමට ප්‍රථම දහස් වතාවක් සිතන්න!

නමුදු;

තීරණයට එළඹුනු පසු දහසක් බාධක අභිමුව වුවද ආපසු නොහැරෙන්න!

- ඇඩොල්ෆ් හිට්ලර්

Last week of May- වෙසක් මහේ අවසන් සතිය

"Everyone thinks of changing the world ,

but no one thinks of changing himself ...!

-Leo Tolstoy

"ලෝකය වෙනස් කරන්නට සැවොම සිතති ,

එහෙත් කිසිවෙකු තමා වෙනස් විය යුතු යැයි නොසිතති...!

-ලියෝ තොල්ස්තොයි

3rd week of may - වෙසක් මහේ තෙවන සතිය

If you love two people at the same time , choose the second....

Because if you really loved the first one........,

You wouldn't have fallen for the second..................!

-Johnny Depp

ඔබ එක වර දෙදෙනෙකුට ආදරය කරන්නේද , ඔබ දෙවෙනි අය තෝරා ගන්න .....

මන්ද , ඔබ පලමු අයට සත්යවශයෙන්ම ආදර කලේ නම් ,

දෙවෙනි අය වෙත ලං වන්නේ නැත .....!

-ජොනී ඩෙප්

2nd week of May - වෙසක් මහේ දෙවන සතිය

Darkness cannot drive out darkness, only Light can do that.

Hate cannot drive out hate, only love can do that....!

-Martin Luther King jr

අඳුර පළවා හැරීමට අඳුරට නොහැක.එය කල හැක්කේ ආලෝකයට පමණි. එසේම වෛරය පිටු දැකීම වෛරයට කළ නොහැක. එය ප්‍රේමය සතු කාර්යයකි!

-මාර්ටින් ලූතර් කින්ග් (කණිෂ්ඨ)

නහී වේරේණ වේරාණී, සම්මන්තීච කුදාච්නං .

අවේරේණච සම්පත්තී , ඒස ධම්මෝ සනන්ත්නෝ

වෛරයෙන් වෛරය නොසන්සිඳේ - අවෛරයෙන්ම වෛරය සංසිඳේ

මෙය ලෝක ධර්මථාවයකි.......!

-ගෞථම බුදුන් වහන්සේ

1st week of May - වෙසක් මහේ පලමු සතිය

Labour day is a great American hoiday that people celebrate by going out and buying products -Made in China !

- David Letterman

චීනයේ නිශ්පාදිතයන් මිලදී ගැනීමට යාමෙන් ; අමෙරිකානුවන් කම්කරු දිනය උසස් ලෙස සමරති! - ඩේවිඩ් ලෙටර්මන්

Last week of April - බක් මහේ අවසන් සතිය

The SILENCE of the good people is more DANGEROUS than the BRUTALITY of the bad people !

හොඳ මිනිසුන්ගේ නිහඬ බව නරක මිනිසුන්ගේ නපුරු බවට වඩා භයානකවේ.- මාටින් ලූතර් කින්ග්

The world suffers a lot, Not because of the violence of Bad People' But because of the silence of the Good People !

-Napoleon Bonaparte

ලෝකය වඩාත්ම විඳවන්නේ නරක මිනිසුන්ගේ හිංසාකාරී ක්‍රියා නිසානොව හොඳ මිනිසුන්ගේ නිහඬ බව කරණ කොට ගෙනය !

- නැපෝලියන් බොනපාට්

තට්ටයාගේ දිනපොත

මැයි 10 බ්‍රහස් 2018

"නුඹට සිතැති නුඹ සිත නැති සිතක් හඬනවා..

මට සිත් නැති උනත් නුඹෙන් හෙටක් පතනවා..//"

ලස්සන සිංදුවක් රේඩියෝ එකේ යනවා.

මේකේ ලස්සන වචනද මෙලඩියද මියුසික්ද එඩ්වර්ඩ්ගේ ලයාන්විත හඬද නැතිනම් අදහසද කියා සිතා ගන්න බෑ! මේක කොච්චර පැරණි උනත් අදහස මොනතරම් නැවුම්ද කියලා හිතෙනවා..!

ජනවාරි 18 බ්‍රහස් 2018

මෙච්චර දවස් බලා හිටියා දින පොතක් අද ලැබෙයි හෙට ලැබෙයි කියලා. ම්හු! පස්සෙ පරණ අවුරුද්දක එකක් අරණ් ලියන්න ගත්තා.

අපේ ගේ ලඟ මිරිස් මෝලක් දාලා. ඒකට දාලා තියෙනවා සුපිරිම සුපිරි නමක්.

"සෞම්යා ඇඹරුම් හල"

අයිතිකාරයා පවුලත් එක්ක මලට දැම්ම නමක්ද කොහෙද!?

ජූලි 14 සිකුරදා

පහු ගිය ටිකේ වැඩ වැඩි උන නිසා දින පොත ලියන්න බැරි උනා. ඒ නිසා පිටු ගානක් හිස්! අද ඉඳන් වත් ලියන්න ගන්න ඕන! එෆ් එම් එකක යනවා "ගී රස වින්දන" වගේ සුපිරි වැඩසටහනක් යන එකක් ගැන. හැබැයි ඒක තියෙන්නේ අද පින්නවල මධ්ය මහා විදුහලේ. හිතන්නකෝ අද යන්න පුළුවන් උනත් අහන එකාට මේ දැන් පින්නවල යන්න පුළුවන්ද කියලා. අනෙක පින්නවලම ඉන්න එකෙකුට වත් යන්න පුලුවන්ද අද උදේ කියලා?

දෙක.

කඩේට ගිහින් ප්ලෙන්ටියක් ඉල්ලුවාම මෙන්න දෙනවා උනු වතුර කෝප්පෙකුයි , සීනි බෝතලේයි , තේ කුඩු පොට්ටනියකුයි. "හරි දැන් ඉතින් තේ එක හදාගන්න කෙනෙකුත් එවන්නකෝ!" කියලා කඩේට ආපු එකෙක් කියනවා.!

ජුනි එක!

කඩේට ආපු උපාසක අම්මා කෙනෙක් " මම ඔය සත්ව මාංසයෙන් වැලකිලානෙ ඉන්නේ ' කියලා සෝයා එකක් ගත්තා. කඩේ කොල්ල අතට අහු උන එකක් දුන්නාම "මේ මොකද්ද මේ ; මට චිකන්

රස එකක් දෙන්න!" කියපි.

30 වෙනිදා

බැංකුවකට ගියා. අප්පට සිරි එකේ දාලා තියෙන ටීවී එකේ යනවා සත්තු ගැන වැඩ සටහනක්.සුද්දෙක් ඉඳන් අර හුඹහට අත දනවා. මේ හුඹහට අත දානවා. සර්පයෝ ඇදලා දානවා කොහොමද දන්නවද නිකන් නූඩ්ල්ස් වගේ. මෙලෝ රහක් නෑ. නයි පොලොන්ගු ෆුල් පදිරි ! අපේ එවුන් වගේ නයාට "නයි හාමි නයි හාමි" කියකියා ඉන්නෙනෑ කෙලින්ම අල්ලන්නෙ නැට්ටෙන්! නයාට යන එනමං නෑ!

29. " ඉස්සර අපෙ තල්දූවෙ හිටිය මාම ලගෙ ගෙදර ගියාම තමයි මම හරියටම දැක්කේ. ඒ පැත්තේ හැම ගෙදරකම සොල්දරයක් තිබුනා. ඒ වගේම හැම ගෙදරම පිටිපස්සේ ඔරුවක් කණපිට හරවා තිබුනා."

අපේ යාළුවෙක් ගේ තාත්තා කෙනෙක් කියලා තියෙන්නේ. ඒක නම් ටිකක් බොන්න ඕන කථාවක්!

"මමනම් ඕන හදිසියකදී අරන් යන්න පුලුවන් වෙන්න මගේ වැද්ගත්ම ඩොකියුමන්ට් ටික වෙනම බෑග් එක්කට දලා තියෙන්නේ. ෆොටෝ කොපී සෙට් එකක් කන්තෝරුවේ මගේ යට ලාච්චුවෙත් තියලා තියෙන්නේ!" පොර එහෙමත් කිව්වලු.

28. මාධ්ය පොරවල් එකකට එකෙක් පරදින්නේ නැතිව විනාසෙ ගැන කියනවා බලන්න ආසයි!

27. ගං වතුර ගැන කඩේ ගාව එක කථාවයි." ඔය පරිසර විනාසෙ තමයි සේරටම මුල.!" පරණ ඉස්කෝලෙ මහත්තයා කිව්වා. එත කොට ඔය පනස් තුනේ ගං වතුර ඈවිත් තියෙන්නෙත් ඔය හින්දාමද මහත්තයා? එතන හිටය එකෙක් අහපි!~

26. අපේ එකෙක් නාහෙන් අඬනවා " බලහංකො බං මෙහේට හරියමං ගං වතුරක් වත් නෑනේ!" මම හිතන්නේ ආතල් ගන්න වෙන්න ඇති. අර කෑලි දෙකක් සෙල්ෆියක් ගහලා දාලා තිබුනේ,

25.පඩි දවස.

හැම පත්තරේම තියෙන්නේ වැස්ස ගැනම තමයි. පඩි ගන්න යන්න වෙන්නේ බෝට්ටුවකින් තමයි. පඩි දවස හරියටම වැහි දවසක් උඩට සෙට් උනාම එළම තමයි! කියලා කෙරුවා වගෙයි. අපේ පොරක් ගෙන් තව එකෙක් ඇහුවාලු " ඇයි මචං මම වැඩි පුර මූත්‍රා කරණ දවසටම අම්බානක වහින්න ගන්නෙ?" කියලා.

24.

"ඇමති මණ්ඩලේ අනලා හරියට පෙරේත ලෝකෙට හෙන ගහලා වගේ !'

22.

"අනේ කරූට නම් පුදුම සත්ව කරුණාවක් තියෙන්නේ. අපේ නැන්දා කියනවා අල්ලපු ගෙදර කරූ ගැන. "හරි පුදුමයි අර ගෙදර ඉන්න බල්ලන්ගෙ මැක්කො, කිණිතුල්ලෝ මැරෙන්න බෙහෙත් දාලා නාවානවා හැම සතියෙම!"

" අප්පට සිරි ඒක මාර සත්ව කරුණාවක්නේ. බල්ලන්ට විතරයි ! මැක්කන්ට නෑ!!" මේ කථාව අහන් හිටිය කව්දෝ කිව්වා.

21 ඉරිදා

ඊයේ චිකන් කොත්තුවක් කෑවා.නිහාල් නෙල්සන්ව මතක් උනා."ලට්ට පට්ට එක්තු කරල දවසෙ ඉතුරු හරිය - සද්ද බද්ද දාල අනන මේක කොත්තු රොටිය" මේක ලියපු එකාට කොත්තුවක් නෙවෙයි තිත්තුවක් අරන් දෙන්න වටිනවා. වැඩේ තියෙන්නේ චිකන් කොත්තුවේ කුකුල් මස් ඇරෙන්න අනිත් හැම මගුලක්ම තිබුනා!

20. අපේඑකෙක් බයිසිකලේට ටයර් එකක් ගන්න.කඩේ එකා අහනවාලු "මහත්තයා දැන් දානවාද ? ටේක් අවේ ද? " කියලා

19 ඇඟ රස්නෙයි වගේ හින්දා බේත් ටිකක් ගන්න ගියා. "මේදවස් වල වයිරල් ෆ්ලූ එකක් හැම තැනම!" ඩොකා කිව්වා. මේකම තමයි බලාන ගියාම පහුගිය අවුරුද්ද පුරාමත් පොර හැමෝටම කියලා තියෙන්නේ!

18 බ්‍රහස්පතින්දා

හැමෝටම තම්න්ට කියලා ආදර්ශ පාඨයක් තියෙන එකේ මමත් එකක් හදා ගත්තා!

"මා තට්ටයකු නොවුනි නම් ; කොන්ඩයෙකු වීමට ඉඩ තිබුනි.......! "

17.

මරුම වැඩක් වෙලා අපේ බුවෙකුට. මූ ලඟදි ඇහැළියගොඩ ගිහින් උගේ බටු සනියේ එනවලු එකසිය ගානට. (ඌ එකසිය ගානට කිව්වට අසූවට විතර වෙන්න ඇති. ඊට වඩා හිතන්න අමාරුයි!) හරියට අවිස්සාවීල්ලට කිලො මීටර් 10 කට විතර ඉස්සෙල්ල ගැටහැත්ත හරියේ තනි කෙලින් පාරේ මූ එනකොට ; ට්‍රැෆික් පොලිස් සජන් මහත්ත්යෙක් හනුමා වගේ පාරට පැනලා. මේකා ආපු ඒමට පොලිසියේ සෙට් එක පහු කරගෙන අඩි 20-30 ක් විතර දුර ගිහින් නවත්තලා බැහැලා ඇවිත්. අප්පට සිරි එක බර බරයයිලු . අපේ එකා ඇඹරි ඇඹරි ඉන්නකොට ඇහෙනවලු සද්දයක් ර් ර් ර් ර් ම් ම් ම් ගාලා. එතකොටම ඈත බලනකොට එනවලු සුදු පාට තඩි ජීප් එකක් ඊ ගහ වගෙ. ආයෙ හිතන්න වත් කාලයක් නැහැ මේක කට්ටිය හිටිය තැන ලඟ! අර සජන් මහත්තයත් කණ කීං ගාන්න විසිල් එක ගහලා. ජීප් එක කිලෝමීටරයක් විතර දුර ගිහින් නතර කරලා ඒ ගැම්මටම රිවස් එකක් ගහලා 100 ට විතර. ඇවිත් නැවැත්තුවලු මුන් සැට් එකේ කකුල් දෙක ගාව. නවත්තලත් විනාඩි 5 ක් විතර ; පීරිසියෙ තිබ්බ ජෙලි කුට්ටිය වගේ පැද්දෙනවලු වාහනේ ! ක්‍රීස් ගාල වීදුරුව පාත්කලාලු.

"ඇයි රාලහාමි?" කියලා අහලා ඇතුලෙ හිටිය තද පොර. "වේගෙ වැඩිද? ඒ ගානට යන්න තමයි මම් මේක අරන් තියෙන්නෙ ! මෙන්න ලයිසන් එක !! දඩ කොලයක් ලියලා තියා ගන්න. මම කොල්ලෙක් එවන්නම් කලෙක්ට් කර ගන්න!!! කියලා ආවට වඩා වේගෙන් ඉගිල්ලුනාලු .ජීප් එක නොපෙනෙන කන් බලා ඉඳලා රාළහාමි හැරෙණකොට තමයි පොරට මීටර් වෙලා තියෙන්නෙ අපේ එකා මුලු සීන් එකම බලාන හිටියා කියලා! " හරි කොල්ලො එහෙන්ං උම්ඹත් පලයං යන්න!" කියලා සාජන් මහත්තයා මූට ලයිසන් එක අතට දීල !

16යි

ලොකේ පුරා වයිරසයක් ගිහින් සිරා රටවල් වල කොම්පියුටර් ටික කෙලවෙන්න. මම අපේ කන්තොරුවේ අයි ටී එකේ හෙඩ් බාස් විශ්වයාගෙන් ඇහුවා

"මචං මල්ලි උන් අපිටත් ඇටෑක් කරයිද බන්....? කියලා.

"පිස්සුද බං අයියේ... කවුද අනේ අද කාලේ පුස්කොල පොත් කියවන්නේ.............. ? කියලා ඌ අහපි!

උදේ පාන්දර ඉඳන් රේඩියෝ එකක යනවා පිරිත්. හාමුදුරු කෙනෙක් ජය පිරිත කියනවා අලුත්ම තාලයකට.! ඊළඟට යනවා නව ග්‍රහ ශාන්තිය කියලා එකක්. ඒක පටන් ගන්නට කලින් නිවේදකයෙක් "මෙය මහානුභාව සම්පන්න...." ආදී වශයෙන් මර්කට් කරනවා. පටන් ගත්තෙම "අර්හං බුදු ගුනෙන් මගේ ඉරුගෙ අපල දුරුවේවා..........!" කියලා. අනේ මේ මිහිපිට සෑම සියලු දේම මැවුනේ හිරුගේ රශ්මියෙන් හා මවගේ කිරි වලින් කියලා මැක්සිම් ගෝර්කි කිව්වා කියලයි අපි අහලා තියෙන්නේ. අහගෙන ඉන්න බැරිම පාරවෙන මීටරේකට ඇල්ලුවා . එතකොටම යනවා ටී එම් ගේ

"පාවී පාවී මේ එන්නේ...

අතීතයේ සිට එන සුලඟයි.......

ඈත අතීතේ අසිපත් සිපගෙන...

අතීතයේ සිට එන සුලඟයි.....// " දවසටම ඇති...!

අමාරුවෙන් එහේ මෙහේ වැල් ඇදලා වැටකොළු මැස්ස වගේ තිබුනු ලයිට් වයර් ගලවලා ගෙදර විදුලි පරිපථය යතා තත්වයට පත් කලා. මමනම් ගෙදර අයට දෙතුන් විටක් මතක් කලා පොසොන් වලටත් පොඩි හරි සැරසිල්ලක් තිබුනේ නැත්නම් හරි නෑ නේද කියලා. කොහෙද ? එතකොට කරණ දෙයක් ඒ වෙලාවට කරන්නලු...... ! අනේ අම්ම්පා ටයිම් මැනේජ්මන්ට් කියන එක අහලාවත් නැතිව ඇති!

13 ඉරිදා

මහපාර වහලා ගහලා තිබුනු වෙසාක් කලාපෙ තාම පාර මැද !

අපරාදෙ කියන්න බෑ දෙයියනේ කියලා මහ දවල්ටත් රෑ වගේම ට්‍රැෆික්!

අදත් වෙසක් ! එළ! හංදියේ බත් දන්සැල විවෘත කිරීමේ අවස්ථාවට ගෙන්වලා තියෙන්නේ දෙකයි පනහේ දේසපාලුවෙකුයි උගේ ගෝල බාලයෝ හැත්තකුයි. ජරාව කාලා පුරුද්දට බත් කෑවොත් පෝලිමේ හිටිය එවුන්ට ගෙදර ගිහින් හාල් ටිකක් ලිපේ තියා ගන්න තමයි වෙන්නෙ!

11යි

විදුලි වේගෙන් මෝටර් සයිකල් යනවා දෙතුන් දෙනා දාගෙන! "මොනවා හරි පිං අතේ වැඩකට වෙන්ටෑ! කුමටද කුසලට කම්මැළි වන්නේ කියලානෙ තියෙන්නේ!!"

අද වෙසක්

අද හංදියේ පළතුරු කඩේ ගාව බොඩ් එකක් ගහලා තියෙනවා "පළතුරු බීම දන්සැල" කියලා. නිව්ස් එක ගෙනාවේ අල්ලපු ගෙදර අක්කා. " ආපෝ ඕකා සල්ලි අරන් දෙන්නෙත් බාගෙට කුනු වෙච්චා. නිකං දෙන කොට මොන දහ ජරාවක් දෙයිද දන්නෑ!" අයියා කිව්වා.

9 වනදා

හෙට වෙසක් හින්දා ගෙදර එක කලබලයයි. බුල්බ් වැලේ බල්බ් පිච්චිලා ගියා හාර්ඩ් වෙයාර් එකට. අප්පට සිරි මරු සින්දු සෙට් එකක් යනවා. මම කඩේ මල්ලිගෙන් ඇහුවා මොනවද මේ කියලා . ඌ මට වැඩේ පැහැදිලි කලා! " ආ අයියේ ඔය බුදුගුණ නන්ස්ටොප්!

අට වන සඳුදා

"ලංකාව එක් සේසත් කරපු නම් ලිස්ට් එකට රොබර්ට් බ්‍රවුන් රිග් ගේ නමත් තියෙන්න ඕන!" කවදත් සිරා ටෝක් දෙන අපේ අල්ලපු ගෙදර කරූ කියපි. මමත් කොර වෙලා හිටියා.

"ඇයි 1815 දි සුද්දා ලංකාව යටත් කරගන්න කොට රට කෑලි තුන හතරකට කඩාගෙන පාලනය කලේ එකාට එකා නැති දෙතුන් දෙනෙක්නේ........!!!

කරූ තම ප්‍රකාශයට විශ්වසනීයත්වය එක්කලා.....

හත - ඉරිදා

"අද හොඳ කාලීන බණක් තියෙනවා කියන්නේ......" නැන්දා කියනවා ඇහුනා.

"අම්මට සිරි.! බුදුන්ගේ ධර්මය අකාලිකයි කියලයි අපිනම් අහලා තියෙන්නේ..." මට කියැවුනා.

මැයි 6 සෙනසුරාදා

අනේ සින්දුවක් අහන්න කියලා රේඩියෝ එක දැම්මා. පළවෙනි එකේ කොල්ලෙක් මැරෙන්න හදනවා කොල්ලා ගියා කියලා. තව එකක එකෙක් හඬා වැටෙනවා බිඳුනු ප්‍රේමය වෙනුවෙන්. අන්තිම එකේ තව ගයක මොටෙයියෙක් බෙරිහං දෙනවා මට වඩා හොඳ ගොනෙක් - කරත්තෙට ලැබීයං " කියලා. බැරිම තැන කැරකෙව්වා දෙමළ මීටරේට ...

"අඩි යෙනාඩී රාඛ........" පරණ සින්දුවක් යනවා. මුංගේ අඳෝනා වලට වඩා අංඬර ඩෙමළ දාහෙන් සම්පත්යි .

මැයි5

හෑමදාම කෝච්චියේ වැඩට යන අපේ එකෙක් "බාප්පලා" අල්ලලා. මූ නහයෙන් අඬ අඬ හවස කඩේ ගාව දි සෙට් උනා. "මචං මට හිතෙන්නේ පංති පරතරය මේ ලෝකයේ පවත්වා ගෙනයන්න දිවිහිමියෙන්ම කැපවෙලා ඉන්න එවුන් තමයි මේ කෝච්චියේ බාප්පලා කියන්නෙ!"

මැයි හතර වන බ්‍රහස්පතින්දා

අද උදේ ලංකාදීප පත්තරේ පොල් අකුරින් තියෙනවා

"ගීතා මැතිසබයට නුසුදුසුයි !" කියලා. (පසු ගියදා අධිකරණයේ පැවැත්වුනු නඩු තීන්දුවකට අනුව ඇයගේ ද්විත්ව පුරවැසි භාවය මෙයට හේතු විය,)

මේක දැකපු අසමජ්ජාති එකෙක් කියනවා

" ඕක ඉතින් කියන්නත් දෙයක්ද බං!?" කියලා!

මැයි 03

අල්ලපු ගෙදර බල්ලා ඒ ගෙදෙරට මාර වාතයක්! කන්න දෙන්න හැදුවොත් ඌ නෑ. නාවන්න බැලුවොත් ඌ දුවපාං !! අල්ලන්න බෑ අම්මට මුත්තට වත්. ඊයේ පෙරේදා දවසක අල්ලලා. " මූට ආයෙ දුවලා බේරෙන්න හම්බෙන්නෑ. මම මුගේ කරට දංවැලක් දැම්මා" අල්ලපු ගෙදර අයියා කිව්වා. ඊයේ ආයෙත් බැන බැන බල්ලව හොයනවා.

"මොකද්ද ඒ ගමන අවුල කරට දංවැලකුත් දැම්මා නේද ?" මම ඇහුවා.

"අනේ මල්ලී ඒකම තමයි අවුල. බල්ලට නං හෙනගැහුවත් කමක් නැහැ මට දැං ඕන වෙලා තියෙන්නේ ඒ කෙහෙම්මල තමයි බං. ඒක මේ අපේ ගේට්ටුවට දාලා තිබුනු දං වැල. අපේ ගෑනි මාව කන්න හදනවා ඒක නැතුව!"

අද දෙක

අපේ බුවෙක් මරු කතාවක් කිව්වා.උන්ගේ ගෙවල් ගාව ගෙදරක එළකිරි විකුණනවලු. මිනිහගෙන් හවසට ගිහින් හෙට උදේට කිරි බෝතලයක් ඉල්ලුවොත් "කියන්න බෑ ! බලමුකෝ...!! කියලා උදේට ගෙදරට කිරි එක ගෙනත් දෙනවා. බෝතල් දෙකක් ඉල්ලුවත් කියන්නේ ඒකමයි. බෝතල් 5 - 10 ක් ඕඩර් කලත් සීන් එක එහෙම මයි. හැබැයි නියම වැඩේ කියන්නේ මේ යකාට ඉන්නේ එකම එක කනාටු වැස්සියක් විතරමලු!

මැයි පලවෙනිදා

එළ! ටවුමේ ලිකර් ෂොප් එක ලඟ හවස 3.00ටත් පොරකනවා. කොළඹටත් තව කිලෝමීටර් 40ක් විතර! ගැටඹෙටත් තව කිලෝමීටර් 80ක් විතර. අපේ වැඩකරණ ජනතාවට ගානක් නැහැ පෙළපාලි ගැනවත් රැස්වීම් ගැනවත්. කට්ටිය සුපිරියටම ගහලා සින්දුවක් කාරිය කියාගෙන ආතල් එකේ ඉන්නවා.

29 ඉරිදා

අපේ එකෙක්ව හයි ස්පීඩ් එලවලා පොලීසියෙන් අල්ලලා! ඌ කරලා තියෙන්නේ දන්න කියන පොලිස් තදයෙකුට කතා කරලා එම තැන ! තදයා ඒ ෆෝන් එකෙන්ම අර රාළහාමිට කතා කරලා වැඩේ ගොඩ දාලා. ආපහු ලයිසන් එක අරන් එන ගමන් රාළහාමිට "යන්නම් රාළහාමි...!" කියලා.

" පොඩ්ඩක් ඉන්නවා මං දුන්න කියලා අර සර් ට මේ කලිසමත් ගිහින් දෙනවා..! කිව්වලු !

28 සෙනසුරදා

ඊයෙ හවස අපේ යාළුවෙක් එයාගේ වයිෆ් එක්ක ගෙන ගිහින් අඳුනන කියන දොස්-තර කෙනෙකු ගාවට ප්‍රෙශර් බලන්න. බැලුවාම නෝමල්ලු. අපේ යාළුවා "තැන්කිව් ඩොක්ටර් !" කියලා එනකොටම නර්ස් නෝනා දුන්නලු තුන්ඩුවක්. බලන කොට රුපියල් 50ක් චාර්ජ් කරලා වැඩේට!

යාළුවා 50 ගෙවලා සද්දෙ වහලා එනකොට වයිෆ් කියනවලු.........

"ගනන් ගන්න එපා අනේ එයා සයිටම් ඩොකෙක් වෙන්න ඇති..!" කියලා....!

27සතියේ අන්තිම දවස

ඊයේ රේඩියෝ එකේ බනක් යනවා. අපේ ආච්චි එතන වාඩි වෙලා වැඳගෙන අහගෙන ඉන්නවා. "දැන් බලන්න පින්වත්නි මිනිසුන්ව නිවැරදිව අඳුනා ගැනීම මොන තරම් දුෂ්කරද කියලා !?අපේ ගීතයකත් ඔය ගැන කියවෙලා තියෙනවා - ' හිනාවෙන්හෝ කථාවෙන් බෑ මනින්නට මිනිසා' කියලා; හාමුදුරුවෝ දේශනාව කරගෙන යනවා....

"අනේ සාදු .....! " අපේ ආච්චි හයියෙන්ම සාධු කාරයක් දුන්නා!

26 බදාදා

ඊයේ පඩි දවස හින්දා අනේ අපරාදෙ කියන්න බෑ රෙස්ටුරන්ට් වලට , බාර් වලට කිට්ටු කරන්න තියා ඇඟිල්ලක් ගහන්න බෑ මරේ මරු. මචං එකයි හුචං එකයි සේරම හවුස් ෆුල්! මිනිස්සු උනාම බොන්න කන්නත් ඕනැ තමයි. ඒත් අනේ මන්දා මේ අයගේ ගෙවල් වල වැඩ, ළමා ලපටින්ගේ වැඩ එහෙම නැතිවද මන්දා ලිස්ට් එකේ එකටම මෙ වැඩේ දාගත්තේ

25යි (පඩි දවස)

අපේ ගේ ඉස්සරහ පාළු වත්තේ උදවිය ඊයේ ඇවිත් එයාලගේ තැඹිලි ගහෙන් තැඹිලි කඩාගෙන ; අල්ලපු ගෙදර පොඩි එකා බලාන ඉඳිද්දිම බීලා ගිහින්. පොඩි එකා ගෙදර ගිහින් එක කෙඳිරියලු. හවස කොහෙවත් නැති වැහි කළුවක් කඩා පාත්වෙලා එකසිය ගානට විදුලි කොටලා...!

"එකපාරටම ඩෝං...! ගාලා හෙනයක අර තැඹිලි ගහට වැදුනනෙ මල්ලී....!!! "අල්ලපු ගෙදර අක්කා කම්මුලේ අත තියාගෙන මට නිව්ස් එක අප්ඩේට් කලා.

" අනේ අක්කේ කවුද ඕවාට 'හෙන' කියන්නේ....! මම නං හිතන්නේ ඕක දේවතා එළියක්....!! ඇඟට පතට නොදැනී මම කිව්වා.

24 සඳුදා දවස

මචං උඹ දන්නවා නම් කියපං සතර මිත්යා විශ්වාස මොනවද කියලා?

අපේ එකෙක් දුව ගෙන ඇවිත් මගෙන් අහපි.

"මං දන්නෑ බං උඹම කියහං කෝ" මම කිව්වා.

"එක හාමුදුරුවෝ හිතාන ඉන්නේ රටේ ඉන්න සිල්වත්ම පිරිස එයාලා කියලා..!

දෙක කැම්පස් එවුන් හිතාන ඉන්නේ රටේ ඉන්න බුද්ධිමත්ම එවුන් උං කියලා..!!

තුන ෆෝසස් උන් හිතාන ඉන්නේ මේ ලෝකෙ ඉන්න නිර්භීතම පොරවල් උන් කියලා..!!!

හතර දකුණේ උන් හිතාන ඉන්නේ රටේම පොරවල් උන් කියලා.............!!!! ඌ කියපි

"ඇයි බං මේක හදන්න පුළුවං මහින්දට විතරයි කියලා පොදු විපක්සෙ හිතාන ඉන්න එක..?" ම්ං ඇහුවා.

" ඇයි මචං යූ ඇන් පී කාරයෝ ; ආර්ථිකේ හදන්න පුළුවං උන්ට විතරයි කියලා හිතන එක!."

"අප්පට සිරි බලපං අර හතරෙන් මොනවද අයින් කරන්න තියෙන්නේ කියලා..!?" මම ඇහුවා....!

ඉරිදා 23යි

අපේ ගේ ලඟ ඇවිදින ම්ං තීරුවක් දාලා. හවසට ඒ පැත්තෙන් යන්න බෑ ; දවස තිස්සේ කන්තෝරු කාමර වල ඉඳන් ඉඳලා හවසට සැපට සනීපෙට වාහන වල ගෙදර ආපු යෝධ මහත්වරු ටයර් පිරුනු නෝනලා බේබිලා එක්ක ඇවිදිනවා බලන්න ලස්සනයි. අනේ අපි වගේ බස් එකේ කෝච්චියේ ෆුට් බෝඩ් එකේ එල්ලිලා ගෙදර එන් පොරවල් වලට ටිකක් වෙලා වාඩි වෙලා ඉන්න ඒ/සී රූම් එකක් දෙකක් හන්දියක් හන්දියක් ගානේ හදන්න එක ආණ්ඩුවකටවත් තාම හිතුනේ නෑනේ!?

අද සෙනසුරාදා 22යි

මාර සිරා වැඩක් වෙලා අපේ යාළුවෙකුට. ඌට සිරාවටම සිතාර් එක ගහන්නපුළුවන් රවි ශංකර්ගේ මල්ලි ගානට. හබැයි මූට භාන්ඩයක් නෑ! පස්සේ මේ අපේ මිත්‍රයා ගිහින් බැංකුවකට- මොකටද සිතාර් එකක් ගන්න බෑන්ක් ලෝන් එකක් ගන්න. පලවෙනියෙම්ම ලෝන් ඔෆිසර් ද මොකාද එකා හමු උනාලු. ඌ ; මූ දිහා ඔළුවේ ඉඳන් කකුල් දෙක ගාවට යනකං දෙතුන් පාරක් බලලා එක්කගෙන ගියාලු මැනේජර් බුවා ගාවට.

"සිතාර් එකක් මොකක්!?" කියලා පටන් ගත්තු කතාව ඉවර වෙලා තියෙන්නේ " ඔය ෆොටෝ කොපි මැෂිමක් , ෆැක්ස් මැෂිමක් වගේ එකකට නම් අපිට මොනවා හරි කරන්න තිබුනා...!" කියලලු. අපේ කොල්ලටත් නිකන් ඉන්න බැරිව අහලා" එහෙනං සර් අර බැනර් වල ගහලා තියෙන්නේ "කලාවට අත හිත දෙන" කියලා....?" ඒපාර මැනේජර් බුවා....

"ඒක ගිහින් අපේ මාකටින් එකෙන් අහ ගන්නවා....!" කියලා එලවා ගත්තලු.

අද අප්‍රේල් 21

කපුගේ ගෙ සින්දුවක් යනවා. ඒ එයා කැමතිම සින්දුවලු. "සබඳ අපි කඳු නොවෙමු උනුන් පරයා නැගෙන..." මට මතක් උනා දැනට ටික කාලෙකට ඉස්සෙල්ලා "කපුගේට 70යි" කියලා ප්‍රසංගයක් බී එම් අයි සී එච් එකේ. සින්දු කිව්වේ මිත්‍ර එයාගේ පුත්‍රයා. කම්පියර් කලේ දොස්තර මහත්තයෙක් වගෙයි මට මතක. මිත්‍ර ස්ටේජ් එකට ඇවිත් ඕඩියන්ස් එකේ හිටිය සමන් අතාවුදහෙට්ටි ගැන හෙන වර්ණනාව. වැඩේ ඉවර වෙලා යනලොට මම් සමන් අයියාට කිට්ටු කරලා"ඔයා ඔච්චර පොරක් නම් ඇයි දන්නෑ වැඩේ වෙන එකෙකුට දුන්නේ නේද අයියේ..?" කියලා ඇහුවාම "බයිල තමයි... කාට කින්නද බන්....!?' කියාගෙන සෙනග අතරේ සුරූස් ගා මාරු උනේය!

අද අප්‍රේල් 20

අද උදේ පාන්දර අපේ ගේ ඉස්සරහින් මාළු කාරයෙක් යනවා රූකාන්තගේ සින්දුවකුත් කියාගෙන අතල් එකේ

"අන්ජිලාවෝ...................

THATTAYAGE KOLAMA . . . . . . . . . . . . . තට්ටයාගේ කොලම - Thattaya's Column

Tuesday, March 13, 2018

88. මද විරාමයක්..............!

15 comments:

23. ගඟක් දිගේ ගිය ගමනක්

බ්ලොග් දොරටු

Report Abuse