Wednesday, November 29, 2017

48. තාත්තා නොම්මර.......1 (ii)



අද වන විට සෙන් ගේබ්‍රියෙල් කොලේජියේ වර්ථමාන තත්වය! ඉතිරිව ඇත්තේ මේ පුවරුව පමණි!

තාත්තා ඉගෙන ගත් සෙන්  ගේබ්‍රියල් කොලීජිය එවකට මහත්වූ ප්‍රසාදයක් දිනා ගත පාසලකි! එය පිහිටුවා ඇත්තේ ජැකෝනා පියතුමා විසිනි. 
එතුමා අධ්‍යාපන විශාරදයෙකු බව අපේ තාත්තා මා සමග පවස ඇත.   

අපේ තාත්තාගේ අම්මා බී ඇල් පොඩිනෝනාය. ඇය මළ පොතේ අකුරක් නොදනිතත් අත්සන් කලේ ඉංග්‍රීසියෙනි !

ආච්චි අම්මාගේ සුපිරි අත්සන!

 තාත්තාගේ තාත්තා හෙවත් දොන් විල්ෆ්රඩ් පෙරේරා සේවය කලේ කේරි විදුහලේ රෙජිස්ටාර් ලෙසය. 
එකල විදුහල්පති අධ්‍යාපනයේ නියමුවා වනවිට පාසලේ පරිපාලන අංශයේ ප්‍රධානියා වී ඇත්තේ රෙජිස්ටාර් තුමා !

ඔහුගේ පියා එනම් මාගේ පියාගේ සීයා මිනින්දෝරුවෙක් වීය. ඔවුන් කතෝලික ආගම ඇදැහූ අතර  අපගේ ආච්චි අම්මා ගේ ආගමික ලැදියාව කරණ කොටගෙන එතැන්  පටන් අප සිංහල බෞද්ධ විය!

පියාගේ නම සෑදී තිබුනේ සීයාගේ නමට “පියදාස” එක්වීමෙන්‍ය.  එහෙයින් හේ වන සංරක්ෂණ දෙපාර්තමේන්තුවේ ප්‍රසිද්ධ වූයේ ඩී ඩබ්ලිව් පී පෙරේරා ලෙසය. අපේ තාත්තා කිසිදු ආගමක් තදේට  ඇදැහූ කෙනෙකු නොවීය. ජීවිත කලයටම ඔහු පන්සිල් ගන්නවා මා දැක ඇත්නම් ඒ අතේ ඇඟිලි ගනටත් අඩුවෙනි.


ඔන්න තාත්තගේ පාසෑල් හැරයාමේ සහතික පත්‍රයේ ලියා තබා ඇති ආච්චිගේ පැටිකිරිය!

තාත්තාගේ මව සුපිරිම චරිථයකි. එකසිය ගානට මල පනින අයෙකි. ඇය යකාට වත් බය නැති අයෙකි. 
“යක්කු ඇය දුටුවිට පහන්තිර සේ ඇඹරේ”. 
 වරක් වාර විභාගයකදී කිසියම් විෂයකට ; තාත්තාගේ ලකුණු අඩුවීම නිසා  
  ඇය පවස  ඇත්තේ ඊළඟ  වාරයේදී ලකුණු අඩුවුවහොත් ගෙදර නොඑන ලෙසය!

කාලය ගෙවී ගියේය. ඔය කියනා වාරය එළඹුණි. 
වාරය හෙමින් සීරුවේ ගෙවීගොස් වාර අවසාන පරීක්ෂණය පැවැත්වී වාර්ථා පොත් ලැබුනි. 
දිනය ගෙවී ගියේය. හැන්දෑව පසුකොට රාත්‍රිය පැමිණියේය. 
“පියදාස” ගෙදර පැමිණියේ නැත.
 ඔය කියන කාලයේ  ලංගම බස් තිබුනු අවදියක් නොවීය.
 තිබුනේ කොම්පැනි බස්‍. ඒවාද පැමිණියේ අවාරෙට දෙල් වැටෙනා ලෙසලු!

ආච්චි තම සහෝදරයෙකුද කැටිව ; සැතපුම් 4 ක මග ගෙවා රාත්‍රී 10 ට  පමන නගරයට පැමිණ ඇත. 
අනේ අපේ තාත්තා යටියන්තොට පිරවුම් හලේ මුල්ලක බිම වාඩිවී සිටියේලු !

තාත්තා මිය යන තෙක්ම වම් අතේ උඩු බාහුවේ කැළලක් විය !
 ඒ ආච්චි අම්මා ගේ වීරක්ක්‍රියාවකි ! 

 ඇය කිසිදා නඩුකියා පැරදී නැත.

 දිනක් මා ඇයට කිට්ටුවී “නඩු දිනනා රහස් ක්‍රමය” අසා දැන ගත්තේය.
 එකල කොම්පැනි බස් දුවන ලද කාලයේ  ; නඩුව අසන දිනයේදී ඇය මහා පාන්දර නැගිට ; තමාට එදිරිව නඩු මගට බැසගත් අයගේ නිවස පසුකොට හොර රහසේම පසු පසට යන්නේලු! 
එසේ ගොස් ඔවුනට පෙර බසයට නැග ගන්නා ඇය බසයේ රියැදුරුට කීයක් හෝ  “අතමිට මොළවයි”! 
ඒ තමාට එදිරිව නඩුවට එන අය මග දමා පැමිණීම වෙනුවෙන් කරණා ගෙවීමය!

 ඉන් පසු අවිස්සාවේල්ලට පැමිනෙන ඇය උසාවියේ තෝල්ක මුදලි හමුවී  අදාල නඩුව දිනයේ මුලින්ම ඇසෙන නඩුවක් බවට පත්කරගනී. 
නඩුව ඇසෙන වෙලාවට අදාල නඩුවේ (බොහෝ විට) පැමිණිළි පාර්ශ්වය  මහ මගය. 
නඩුව මොහොතකට පමා කෙරෙයි. 
තවත් වේලාව ගත වුවහොත් දෙවන වරද අඬගැසේ!

නොඑසේනම් ඔවුන් පැමින කුමන හෝ පෞද්ගලික කරුණකට ඔවුන් මොහොතකට උසාවිශාලාවෙන් ඉවත්වන විටම නැවත නඩුව අඬගැසේ! 
එවරද පැමිනිල්ල පැමින නැත. ප්‍රථිඵලය කියන්නට ඕනෑ නැත. 
නඩුව දැම්ම එකාට එපා උනත් මම අත අරින්නේනෑ කියන විනිශ්චය කාරතුමන්ලා එකල සිට නොමැත.

තාත්තා පලමුව රැකියාව කර ඇත්තේ ෂෙල් කොම්පැනියේ රක්වාන පිරවුම් හලේය. 
වන සංරක්ෂණ දෙපාර්තමේන්තුවේ රැකියාව සොයා යන්නේ ඉන් ඉක්බිතිවය. 

ඔහුගේ සම්මුඛ පරීක්ෂණයද අමුතුම එකකි.

 ඔහුගෙන් විවිධ ප්‍රශ්ණ රාශියක් ඇසූ පසු පවස ඇත්තේ Ceylon Observer පුවත් පත ගෙන; තමන් කැමති ඡේදයක්   කියවන ලෙසය. 
ඔහු කියවා ඇත්තේ කතු වැකිය ය. 
සම්මුඛ පරීක්ෂණ මණ්ඩලයට ; මට මෙන්ම එදා එය ගැටළුවක් වී ඇත. 

“පුවත් පතක සාරාංශය ලියැවී ඇත්තේ එහිය !” 

රැකියාව තමන් සතු කර ගැනීමට එම ඔහුගේ පිළිතුර සමත් වී ඇත!


මේ වගේ එකක වෙන්න ඇති නේද කියවන්න ඇත්තේ!

තාත්තාගේ රැකියාව දෙවරක් අහිමි විය. 
ඉන් පලමුවර අහිමි වීම අපගේ පවුලට ඉමහත්  කම්පනයට පත්කල සිද්ධියක් විය. එයට අදාල සිද්ධිය වන විට මා පාසලේ පලමු පංතියේ  විය යුතුය.  

තාත්තා අවිස්සාවේල්ලේ  ඇස්වත්ත ප්‍රදේශයට කිසියම් කටයුත්තක් සඳහා ගොස් ආපිට එන විට ; ඔහු දන්නා  හඳුනන දැව  ප්‍රවහනය කරණ ලොරියක් හමුවී ඇත. ඒවන විටත් දැව පටවා තිබූ ලොරිය තාත්තා දැක නවතා 
“මහ පාරට යන්නේ දැයි ?” අසා ගොඩ කර ගත්තේය!

ඔහු හා ලොරි රියැදුරු හා සිදුවූ කුඩා දෙබසෙදී; දැව නීත්‍යානුකූල බව  ;
 ලොරි රියැදුරා විසින් සාර්ථකව  තාත්තාට ඒත්තු ගන්වා ඇත.
එහෙත් ලොරිය ප්‍රධන මාර්ගයට අවතීර්ණ වනවාත් සමගම
 පොලීසියෙන් ලොරිය නැවතූ අතර රියැදුරා හා සහයක ලොරියෙන් බැස
  දුවන්නට විය!

තාත්තා කෙසේහෝ එම ස්ථානයෙන් ඉවතට පැමින තම උසස් නිළධරයා හමුවී සිද්ධිය පවසා වහාම තමාව පොලීසියට නීත්‍යානුකූල ලෙස ඉදිරිපත් කරණ ලෙස ඉල්ලා සිටියේය! 
(සමහර විට තමා මෙම ලොරිය අත් අඩංගුවට ගෙන එන එකැක් යැයි; පොලීසියට පිළිබිඹු වන අයුරින් විය යුතුය!) 
එම නිළධරයා ප්‍රථික්ෂේප කල අතර ප්‍රථිඵලය වූයේ පුර වසර 5 ක් අප අපමන දුක් ගැහැටට පත්වීමය !

  කාලය ගෙවී ගියේය. 

තාත්තා අධිකරණයෙන්  නිදොස් කොට නිදහස් කල අතර තාත්තාට හිග වැටුප් සමගින් රැකියාව ලැබුනේය. 
තාත්තාව සේවය පිහිටුවේ හබරණ සිට කිලෝමීටර 10 ක් පමණ දුරින් පිහිටි හතරැස්  කොටුවේය.  
එය ; ත්‍රිකුණාමළය හා මඩකලපුව දුම්රිය මාර්ග බෙදෙන ගල් ඔය හංදිය ආසන්නයේ පිහිටා තිබුනේ ත්‍රිකුණාමළය මාර්ගයේමය.      

තාත්තලාගේ උසස් නිළධරයන් විශ්‍රාම ගැනීමට ආසන්නයේදී 
ඔහුට රට වටා ගොස් තමා සේවය කල ස්ථාන වලට
 අවසාන වශයෙන්  ගොඩ වැදීමටත් ;
 දෙන දෙයක් රැගෙන ඒ මේත්  අවස්ථාව සැලසීමට ජීප් රථයක් , 
ඉන්ධන හා රියැදුරෙකු මුදා  හැරීම චිරාගත සම්ප්‍රදායකි
. එසේම එසේ සමුගැනීම සඳහා දුර කතර ගෙවාගෙන
 ආණ්ඩුවේ ඩීසල් වලින්  එන “සර් ට” හොඳින් සැලකීමද එවන්ම වූ සම්ප්‍රදායකි.

පෙරකී උසස් නිළධරයා ද  ලංකාවේ හතර දිග්භාගයේ කරක් ගසා හබරනට සේන්දුවිය . 
එහිදී සමුගැනීමේ සාදය සංවිධානය කිරීම තාත්ත අතින් සිදුකෙරුණි.
 සියල්ල අඩු නැතිව දිගු මේසය මතට රැස්වී තිබුනි.  
අරක්කු බෝතල නොබොන අයට බීර ; ෂැන්ඩි වලට අලියා සෝඩා ,
 බ්‍රිස්ටල් පැකට් කිහිපයක් , කට ගැස්මට මස් ජාති කිහිපයක් හා බැදපු වැව් මාලු යනාදී වශයෙන් සියල්ල එක් රොක් වී ඇත.

කැලයේ නීතියක් වේ.
 එනම් කිසියම් ආහාරයක් පිළිගැන්වීමට මත්තෙන් 
තමා  පළමුව ඉන් බිඳක් භුක්ති විඳීමයි. 
ඒ සංග්‍රහය පිළිගන්නා තැනැත්තාට එය වස විසෙන් තොර බවට ඒත්තු ගැන්වීමටයි.
වන සංරක්ෂණ දෙපාරතමේන්තුව  යනු මොනවා නැත්තත් මෙවන් කැලෑ නීතී අකුරටම ඉෂ්ඨ සිද්ධ වුනු තැනකි!

දිගු මේසය වටේ සියල්ලෝ අසුන් ගෙනය. 
තම තමන් ; තම  තමන් ඉදිරියේ වන අශෝක වීදුරුව ගෙන
 එහි ඇති වතුර බිඳු බිම හලා තමා ඉදිරියේ එකෙල්ල බලා ස්ථානගත කරමින්‍ ය. 

සමුගන්නට පැමිනි අමුත්තාද මහත්වූ සොම්නසින් යුතුව සංග්‍රහය භුක්ති විදීමට සූදනමින්‍ ය! 

පසෙක කුඩා මේසයක් මත තබා ඇති විශාල බ්‍රවුන් පේපරයෙන් ඔතා තබා ඇති පාර්සලය තුල  කුමක් නම් විය හැකිද ?


තුවක්කුවට පතුරම දමා හැමරය අමුනා ඉලක්කය ගෙන තිබුනද  දඩයම ඒ බව නොදනී!

“හරිනෙ ..?”
 තාත්තා වට පිට බලා එසේ ඇසුවේ සියල්ලන්ගෙන්ම විය යුතුය.
එසේ කියත්ම තාත්තා වාඩි ගෙන තිබූ ස්ථානයෙන් නැගිට ගත්තේය. 
ලඟම තිබූ අතිවිශේෂ නොඑසේනම් ගල්  බෝතලයේ මූඩිය "කට කටස්" ගා ඉවත් කොට තමා අභියස තිබුනු අශෝක වීදුරුව පිරෙන්න වක්කර ගත්තේය.

“සර් මම මේක බීලා කිව්වොත් සර් කියයි තැන් තැන් වල හබරනදි පෙර්රා බීලා බැන්නා කියලා…….! ”

“ඒ හින්දා මම මේක බොන්න ඉස්සෙල්ලම කියලා ඉන්නම්. ”

 මධුවිත කටමට්ටමට පිරවූ වීදුරුව තාත්තගේ අතේය !

“ සර් එදා මම අච්චර කියද්දි මාව පොලීසියට Produce නොකර හිටියාට වඩා හොඳයි ;
 සර් ! සර්ගෙ  #$%^&^*&   ?~@!#$+ ම් ….!”

“හරි දැන් බොන්න ..!” කියා වීදුරුව කටේ හලා  ගත්තේය.  

මද වේලාවකට සාදය නැවතුනි. 

යලිත් එය පටන් ගත්තේ සමුගැනීමට පැමිණි නිළධරයා ප්‍රසිද්ධියේ තාත්තාගෙන් සමාව අයැදීමෙන් පසුවය! 

ඒ තාත්තා ගේ හැටිය !

                                           

Monday, November 27, 2017

47. මගේ කිරුළ....!





ගමට පැමිණි කිසිදු දිනෙක
නොදැනුනු තනිකමක් සිතට
ගෙන ආවී කොහී සිටද...?

ගමේ සෑම පාර තොටක 
රජෙකු වගේ සැමත යනෙන
මා සැඟවී මා සිතතුල...!

තනිකම මැකුමට පැටලූ
පිරිත් නූල දියව ගියෙද
එහි අනුහස් සිඳී ගියෙද....!

සිහසුන ඇති ඔටුනු නොමැති
රජෙකු වුවද රජකම හිමි
නගරේ තනිකොට ආවෙමි.....

මගේ කිරුළ....!

46. පහන වෙත මෙත් සිතින්....!








නුග ගසක් පමුල
තබා ඇති පහන ඔබ...
වෙනත් මහ ගසක් මත
රැඳුනු පිලලයක් මිස
නුග ගසක් මෙහි නොමැත...!

මහා ගස බිඳුනු දින
නුග ගසක් මෙහි කොහිද?
බෝ ගසක් වෙත ගොසින
දල්වන්න ඔබෙ පහන....!!

ඔබ පහන නොනිමෙන්න
වසාලන්නෙමි පවන.....
බිම පතිත මියෙන තුරු
මගෙ සෙවන නුඹට ඇත.....!!!





Friday, November 24, 2017

45. Rapids...!



Rapid  යන වචනය මලලසේකර ඉංග්‍රීසි - සිංහල ශබ්දකෝෂයේ විස්තර කොට ඇත්තේ මෙසේය :ඉක්මන් , වේගී ,ශීඝ්‍ර ,වේගවත් ,වේගී දිය වැල් සහිත ගං බැස්ම; වේගවත් ජල පහරක්  යනුවෙනි . නමුත් අප තරණය කරණ Rapid එකක් වේගවත් දිය වැලක්ම නොවේ.

එය කට ව්‍යවහාරයේ ලෙසට ඇල්ලක් යැයි කියනු ලැබේ. නමුත් ඇල්ලට ඉංග්‍රීසි  භාෂාවේ හඳුන්වන්නේ Water Fall යනුවෙනි. නමුත් යනු Water Falls යනු දිය ඇළිය !

දුන්හිඳ ,දියලුම වැටෙන්නෙ Water Falls ගනයට. 
නමුත් කයාක් වලින් තරණය කරණ්නේ   Water Falls නොව Rapids ය.

Water Fall නොඑසේනම් දිය ඇල්ලක් නිර්මාණය වන්නේ  සමෝච්ඡ රේඛා අතර දිය පහරක් ගලන විටය.  සමෝච්ඡ රේඛා යනු සම උස රේඛාය. එකල ව්‍යවහාරයේ  මෙම රේඛා සටහන් තැබෙන්නේ අඩි 1000 න් 1000  ටය. 

නමුත්  දිය ඇල්ලක් නිර්මාණය වීමට අඩි 1000 ක වෙනසක් ඇවැසි නොවේ.
 Rapid එකක් නිර්මාණය වීමට  දිය  පහරක් , ගංගාවක් , ඇළක් , දොළක් ගලායාම සිදුවිය යුතුය.
 එසේ ගලායන්නෙ කිසියම් බැස්මක් තිබීම හේතුකොට ගෙනය. මෙය ; සැතපුමට අඟලක්  වන යෝද ඇළේ  බැස්ම මෙන් නොව කැපී පෙනෙන එකක වියයුතුය.  මෙසේ ගලද්දී එම ගලායාම සිදුවිය යුත්තේ පාෂානමය පරිසර පද්ධතියක් තුලිනි.
 නොඑසේනම් දීර්ඝ කාලයක් ගලායම සිදුවන විට එම බැස්ම හොදින් සුමට වී මෙම “ඇළි” ස්වභාවය  නැතිවීයනු ඇත.
කලකට පෙර පස් ,වැළි , මැටි සහිත පතුලක් ඔස්සේ දීර්ඝ කාලයක් දිය දහරාවක් ගලයෑම කරණකොටගෙන ඒවා සියල්ල සේදී ඉවත්වී ගල් පමණක් ඉතිරිවීද ;  නොඑසේනම් පෘථිවිය නිර්මාණයේදී සිදුවූ විපර්‍යාසයන්ගේ ප්‍රථිඵලයක් ලෙස ගංඟා බිහිවීමේදී සමහර ස්ථානයන්හී පාෂාණමය වටාපිටාවක් සමග බිහිවීද ? 
      
කිසියම් බෑවුමක්  ඔස්සෙ ගංඟාව ගලා යෑමේදී එම ගලායෑමට එදිරිව තිබෙන පාෂාණමය බාධක නිසා ජලයේ ඇතිවන කැළඹිළි සහගත ස්වභාවය , අනාකූල   භාවය , සුළි සහිත බව , භාවි කථනය කළ නොහැකි ,පෙරයිය නොහැකි බව, නොහික්මුනු බව සහිත ගඟ ගලායන ස්ථානය  ඇල්ලක් නොහොත් Rapid එකක් ලෙස දක්වයි.
 මෙසේ ඇල්ලක් නිර්මාණට වන්නෙ ගඟ හරහා ඇතිවන බාධකය ඉවහල් වේ. එහිදී  ගලන ඟගට මෙම බාධාව අතරින් ඇති කුඩා විවර එනම් ගල් අතර ඇති හිඩස අතරින් ගඟේ උපරිම ජල ධාරිතව ගලද්දී එතෙක් මෙම බාධාව කරණ කොටගෙන ඇතිවූ විභව ශක්තිය වූ අධික පීඩනය චාලක ශක්තිය බවට හරවා ගෙන අධික වේගයකට පමුනුවා ගනී. 
චංචුවකින් නොඑසේනම් නැසින්නකින් පිටවන ජල ප්‍රවාහයක් සේ අධික  තෙර පුමකින් පිටවන මෙම ජල ධාරාව මගින් ගඟේ ඊට පහලින් පිහිටි ජලය තුල ඇතිකරන්නේ ව්‍යාකූල තත්වයකි. එම ස්ථානය එනම් මෙම බාධකයට පහලින්ද ගඟ පතුලේ ගල් පර්වත  පවතී නම් එතන ඇල්ලක්  සෑදේ. 
මෙහි කිසිදු හැඩයක් නොගන්නා ජල කඳන් ඒමේ අත දිවෙන දිය සුළි පිරි මරු කටකි. මෙහි ඇති වඩාත්ම ව්‍යාකූල තත්වය වන්නේ මෙහිදී ඇතිවන  ජලයේ හැසිරීම භාවි කථනය කල නොහැකි වීමයි. මන්ද මා මෙසේ පිටුවක්  පුරා කී දෑ සියල්ල සිදුවන්නේ ඇසට නොපෙනෙන ගං පතුලකය. 
මම සියළු කරුණු මගින් ගං දිය මත ඇතිකරණ     පෙන පිඩු  , රැළි  , හා සවනට ගෙනෙන හෝ හෝව විනා වෙනත් කිසිදු ඉන්ද්‍රියනට ගෝචර යමක් නොගැටීමයි. එසේම පෙරකී ගල් කපොල්ලක් අසලට ගිය විටෙක නැවත  ආපසු  හැරීමක් කල නොහැක.  එයින් ඇද ගන්නා යාත්‍රාව  අකාරුණික ලෙස  ඇල්ලට මුදා හරියි. 
ඒ මුදා හරින්නේ තවත් ගලක තියුණු දාරයක් මතට නොවන්නේ යැයි කාට නම් කිව හැකිද ? 
එකම ඇල්ලක් කිහිප වතාවක් තරණය කොට ඇති අයෙකුගේ පලපුරුද්ද ගඟේ ජල මට්ටම මත රඳා  පවතනා වේගය මත තීන්දුවේ. 
එසේම යාත්‍රාව ඇල්ලට ඇතුළු වෙන වේගය හා කෝණය මත එය පතිතවන නොඑසේනම් පිටවන අයුරු වෙනස් විය හැක. 
මෙ නිසාම තමා සිතා මත හෝ නොසිතා මෙතෙක් කිහිප වතාවක් එකම ඇල්ලක් නිරුපද්‍රිතව තරණය කොට ඇති අයෙකුගේ ඊළග තරණය කුමකින් කුමක් වේදැයි කිසිවෙකුට කිව නොහැක !  

ඉහත පෝස්ටුවේ රූපරාමු පෙල ; දෙවෙනි යාත්‍රාවේ  ඉදිරියේ පදින ධම්මික ගෙල බැඳි Go-Pro වෙන් ගත් ඒවාය. එය හොඳින් නිරීක්ෂණය කලහොත් ඉදිරියෙන් යන අපේ කයාකය  පෙරළී දියබත් වෙනු  දැකිය හැක.  ඉන් පසු රූප රාමු ව්‍යාකූල වන්නේ ඔවුන්ද දියට වැටෙන නිසාය.
මෙම Rapid වර්ගීකරණයක් කරණු  ලබයි . ඒ පිළිබඳ ප්‍රථූල දැනුමක්  ඇති අයවිසින් මෙම වර්ගී කරණයකිරීම කරණු ලබයි .

ගංඟා වල කරණු ලබන ජල ක්‍රීඩා හෝ වෙනත් මිනිස් ක්‍රියාකාරකම් වලට එදිරිව අදාල ජලයේ හැසිරීම විශ්ලේෂනය කොට i සිට vi දක්වා මෙම වර්ගී කරණය කරණු ලබයි.

Grade I : සෙමෙන් ගලන නොගැඹුරු ජල දහරා .
Grade ii: කුඩා රැලි සහිත අක්‍රමවත් ගලායෑමක්.
Grade iii: ගලා යෑම නවතලන බාදක සහිත අක්‍රමවත් ගලයෑමක් . ගමන්    මාර්ගය පහසුවෙන් සොයා හඳුනා ගත හැක.
Grade iv: විසල් ඇළි අඛණ්ඩව පවතින ; යෝධ පර්වත මගින් ජල ප්ර්වාහයට බාධා පැමිනවිය හැකි මාර්ගය අපැහැදිලි.
Grade v: ප්‍රචන්ඩ රැළි මගින් අතිශයින් දුෂ්කර ,බාධක හා හෙලීම් සහිත.
Grade vi: තරණය කරන්නාගේ ජීවිතයට දැඩි තර්ජනයක් ඇති කරවන සුළු.





 
Take up Canoeing පොතෙන් උකහා ගත් උපුටනයක්!

ඔබගේ ඊළඟ  පැනය මා හොඳින් දනිමි.
 ඒ මා ඔබ හා මෙතෙක් දුර යෙදුනු අල්ලාප සල්ලාපයෙන් මා ලත් පරිචයය !

 'කිරි අම්මා ඇල්ල මින් කුමන පංතියකට  වැටෙන්නේද ? '

එය නොවේද ඔබේ සිතේ හටගත් පැනය.

 මා මීට පිළිතුරක් දීමට Borderlands හී ප්‍රධාන උපදේශකව සිටි මහේෂ්ව 24/11/2017 උදෑසන 6.31 ට ඇමතූ වෙමි.

“කණගාටුයි  ඔබ අමතන  ග්‍රාහකයා........ මේ මොහොතේ සම්බන්ධකල නොහැක……..!”  

එහා කොනින් ලයාන්විත හඬකින් කියැවිනි!

කරුණු මාලත් විගස මෙහි බහාලමි !


"තැඹිලි වර්ණයට කියන්නේ Orange . එහෙත් Orange වලට සිංහලෙන් කියන්නේ දොඩම්.තැඹිලි වලට ඉංග්රීසියෙන් කියන්නේ King Coconut 
  දොඩම් කති! තැඹිළි බොති
එහෙත් කිසිතැනෙක තැඹිලි වර්ණයට King Coconut  Color නොකියති. 
එය තවත් වසර දහස් ගනනක් ගියද  Orange Color වනු ඇත!! 
එදිනට දොඩම්ද තැඹිළිද මෙලොවින් තුරණ්වී තිබිය හැක.
 එහෙත් තැඹිලි වර්ණය Orange Color වී පවතිනු ඇත !!! "


Wednesday, November 22, 2017

44. ගඟක් දිගේ ගිය ගමනක්…………15




"සැබෑ ඡයාරූප ලැබෙනා තුරු බලන්න නෙගටිව් එක !" 

සීඝ්‍රව ගලා යන  දිය දහරාව වේගයෙන් උඩ පනිමින් දඟලන ; නොහික්මුනු තඩාගයට එක්වේ. එතන කැරෙලි ගැසෙමින් පෙරලි කරණ ජලකඳ මහත්වූ වේගයකින් ගලා යයි. පෙන පිඩු නංවමින්  මුලු ගංගාවේම දිය එකට කැලතෙයි.

යාත්‍රාව තවත් මීටර 10 පමණ උඩ පනිමින් ඒ මේ  අත හැරෙමින් එක වරම දකුණට බරවිය. තෙශාන්ත වමට බරවෙනු මා දුටුවෙමි. යත්‍රාව වමට බරවිය. එවිට තෙශාන්ත දකුණට බරවිය. ඊට අනුරූපීව මමද කයාකය මත ඒ මේ අත ඇඹරමින්‍.මේ සියල්ල අතරේ අපගේ හබල් ගැසීම පමා වෙමින්‍! නැවතෙමින්‍! යලිදු පටන් ගනිමින්‍ය.

මෙතෙක් ගං දියේ වේගය පරයන වේගයකින් පදිමින් ; කයාකය මත සිට එහි පාලනය අප අත තිබුනද ; මේ වනවිට  ගං දිය රැළි මගින් එය සාහසික ලෙස ඩැහැගෙන අවසනය.

ජල තලයක් මත ඇති ; පතුල අඩ කවයක් වන ඕනෑම වස්තුවක් ගැන සිතන්න. කයාකයේ පතුලද අඩකවයක් හෝ වෘත්ත චාපයක හැඩය ගනී . එය තරමක හෝ ස්ථායි තාවයක පවතින්නේ එහි ඇති තරමක පැතැලි ස්වභාවය කරණකොට ගෙනය. පතුලින් පහතට නෙරා ඇති දාරය නොහොත් කීල් Keel එක මගින් යාත්‍රාවේ දිශානතිය පවත්වා ගන්නවා  සේම පෙරලීමටද යන්තමින් හෝ ප්‍රථිරෝධයක් දක්වයි.
කයාකයක් එක් පසකට පෙරලීමේදී එහි පදවන්නාද එම දෙසට නැවේ. ඔහු අත ඇති  හබලද එම පසටම බරවේ. ඔහුට කල හැකි වන්නේ එයට එදිරිව අනෙක් පසට බරවීම හා ක්ෂණිකව හබලේ පැතැලි මූනත ජලතලය මත තබා එයින් කිසියම් රුකුලක් ගැනීම පමනි. එහෙත් වේගයෙන් ගසාගෙන යන කයාකයක සිටින පලපුරුදු අයෙකු හට හෝ කල හැකි දේ බොහෝ සෙයින් අල්ප වේ.
මාත් තෙශාන්තත් ඒ මේ අතට ඇඹරෙද්දී යාත්‍රාව ගලන දිය මත ඊට හරස් වනු මට මතකය. තවත්  නිමේශයකදී අප අතර ; එතෙක්  ස්ථායි තාවයෙන් පෙරමුණ ගෙන තිබුනු කයාකය අපවෙත කිසිදු අවස්ථාවක් නොතබා පෙරලී ගියේය.
මාත් තෙශාන්තත් දියට වැටුනි. අපගේ ජීවිතාරක්ෂක කබා වල පිහිටෙන් අප නොගිලී සිටිමින්‍ය.

 කයාකයක් පෙරලී යාමේදී පිළිපැදියයුතු ස්වර්ණමය නීතිය The Golden Rule අනුගමනය කරමින් විය. එය අනෙකක් නොව කයාකයක් හෝ වෙනයම් යාත්‍රාවක් පෙරලී යාමේදි එතෙක් අතැති හබල අත නොහැර තබා ගැනීමයි.    
ගලා යන ගඟක  හෝ වෙනයම් දිය දහරාවකදී කයාකයක් හෝ වෙනයම් යාත්‍රාවක් පෙරලී ගියවිගස සිහිතබා  ගත යුතු  වැදගත්ම කරුණ එයයි. බොහෝවිට යාත්‍රාවේ එල්ලීමට යාත්‍රිකයින්  හට සිහි නුවන ඇතත් හබල තමා කෙරෙන් ඈත්වී යන අවස්ථා බොහෝ ඇත.

 ජල ක්‍රීඩා වල ස්වර්ණමය නීතිය The Golden Rule වන “තමා කෙතරම් පිහිනුම් ශූරයෙකු වුවද ජීවිතාරක්ෂක කබායක් ඇඳීම අනිවාරයය”යන්න නිසා තම නිදහස් අතක්  මෙහෙයවා කයාකය තමා ආසන්න්යේ රඳවා තබා ගැනීම එතරම් අපහසු කරුණක් නොවේ.එහෙත් හබල ඉතා ඉක්මනින් දියේ ගසාගෙන; තමා කෙරෙන් වියෝවී  කිසිදු දිනෙක යලි හමු නොවන්නට වුවද ඈතකට යාමට ඉඩ ඇත. එම වියෝව තමන්ට පෙනි පෙනිය !
 එසේම ගසා ගෙන ගොස් අතු පතර හිරවුනු කලට ; හබල නැවත සොයා ගැනීම ඉතා අසීරු කරුණක් වනු ඇත. කැළණි ගඟේ රංවල ඇල්ලේදී අම්රාන් අතාස්ගේ කයාකය පෙරළී ; ඔහුගෙන් ගිලිහුනු හබල නැවත අත්පත් කරගැණීමට  අපට පැයකට  ආසන්න කාලයක් මිඩංගු කිරීමට සිදුවිය.    
ඊළඟ මොහොතේ අප තිදෙන එනම්  මමත් තෙශාන්තත් උඩු යටිකුරුවූ කයාකයත් පරඬැල් මෙන් ගසා  ගෙන යන්නට විය. 
ගඟ දිය ; රැළි නංවමින් වේගයෙන් පහලට ගලායයි.තෙශාන්ත නිරුපද්‍රිතව කයාකයේ එල්ලී සිටිනු දුටු විට මගේ සිත තරමක් තැන්පත් විය ! තවත් මීටර 10 – 15  ගස යෑමෙන් පසු රැළි ස්වභාවය  තරම අඩුවූ අතර අපට අපගේ කයාකය  නැවත නිවැරදි අතට හරවා ගැනීමට නොහොත් උඩු යටි කුරු වූ කයාකය යටි උඩු කරවීමට   හැකිවිය.
ක්ෂණිකව  තෙශාන්තත් මමත් ඊට ගොඩවුනු අතර මා ආපසු හැරී බැලුවේ කණ්ඩායමේ  ඉතිරි අයට කුමක්  සිදුවී දැයි කියාය.
 අපගේ යාත්‍රාව ශ්‍රී ලංකාවේ නිශ්පාදිත ෆයිබර් කයකයකි. එය බරින් කිලෝ 40 ක් පමන වන යෝදයෙකි. මෙහිඇති සුවිශේෂී ගුනාංගය වන්නේ  උපරිම ස්ථායි තාවයකින් යුක්ත වීමයි. එය පෙරලී ගියේ නම් අනිත් කයාක  ගැන කවර කතාද ? වෙහෙර ගිල්ල යකාට අග්ගලාව කජ්ජක්ද කියා පැරණි කියමනක් ඇත ! 
අප ආපසු හැරී බලන  විට ඉතිරි කයාක දෙකද අකාරුණික ලෙස පෙරළී ගොස් සියල්ල සීසීකඩ වී තිබුනි !
වසික -මයිත්‍රී කයාකය අප පසුකර ගෙන ටික දුරක් ගොස් පසුව පෙරලී ගියේය.  
පසිඳු - ධම්මිකලාගේ ක්‍යාකය පෙරලී ගසාගෙන පැමිණ ගලක හෝ වෙනයම් බාධාවක  රැඳී තිබුනි. දම්මික කයාකය සමගය.පසිඳු ටික දුරක් වතුරේ ගසාගෙන විත් කයාකය හා ධම්මිකට රැඳුන තැනට  මීටර 5 ක් පමන පහලින් නැවතී සිටියේය.
ධම්මිකට   තමා අසල ඇති කයාකය බාධකයෙන්  ගලවා ගෙන පහලට ගෙන ඒමට හෝ පසිඳුට වෙගවත් දිය පහරේ ඉහලට යාමය  නොහැකිව සිටියෝය. 
ඊළඟ නිමේශයේ බාධකයෙන් මිදුනු යාත්‍රාව දිය පහරේ පහලට ධම්මික සමගින් ගසාගෙන ආවේය.  මමත් තෙශාන්තත් අපගේ කයාකය ඉදිරියට ගෙන ඔවුනට එම අවස්ථාවෙන් මිදීමට අප උපකාර කලෙමු.
මෙවන් අවස්ථාවක අප එකිනෙකාට උදව් උපකාර කිරීමට ඇති හැකියාව ඉතා අල්පය. එහෙත් අප සැම දෙනම වේගයෙන් යන ජල පහරේ අනෙකාගේ ස්ථාවරත්වය පිළිබන්න්දව විපිළිසර වූයෙමු. 

කණ්ඩායමක තිබිය යුතු ප්‍රධාන ගුණාංගයකි අන ය පිළිබඳව සොයා බල කටයුතු කිරීම.
කිසියම් පුද්ගලයෙකු කෙතරම් දක්ෂ පිහිණුම් ශූරයෙකු ,පදින්නෙකු හෝ ජීවිතාරක්ෂකයෙකු වුවද ඔහු තුල කණ්ඩායම් හැඟීමක් නොමැති වේ නම් මෙවැනි අන්තරයකාරී අවස්ථාවකදී ඔහු වෙතින් ඇති එකම වාසිදායක කරුණ වන්නේ ඔහු ගැන නොසිතා අන් අයට තම තමන් වෙනුවෙන් වෙහෙසීම හා මනස යෙදවීම පමනි.
නමුදු මෙවන් චාරිකාවකදී , ගවේශනයකදී ඇවැසි වන්නේ ඉතා පරාර්ථකාමී  ලෙස ; පොදු යහපත,  කණ්ඩායමේ ආරක්ෂාව ගැන සිතන කටයුතු කරණ ගමන්  සගයන්‍ය. අප කණ්ඩායම ඒ නයින් ගත්කල බොහෝ වාසනාවන්ත වූහ!
එම ඇල්ල තරණයේදී නොපෙරලී වඩාත් දුරක් ගමන් කිරීමට හැකි වූයේ වසික - මයිත්‍රී යුගලයටය. එය ඔවුන් සතුවූ ජවාධිකබව නිසා ලත් ජයක් ලෙස මා දකිමි. 
එසේම පෙරමුණ ගත් අපේ කයාකය දිය  රැළි හා ගැටෙන අයුරු හා එහි හැසිරෙණ විලාශය ඔවුනට දක්නට ලැබුනු බැවින් එයින් පූර්වාදර්ශයක් ලබා කිසියම් සැළසුමකට අවශ්‍ය දත්ත එක් කරගන්න ඇත.
ඉතා කෙටි වේලවකදී කයක සියල්ල යටි -උඩු කර ගත්තෙමු. එහෙත් අපගේ කයාක මත ගැටගසා ගෙන තිබූ  බොහෝ අඩුම කුඩුම ,අහාර සඳහා ගෙන ආ පාන් බිස්කට් වැනි දෑ ද අප ගේ ඇඳුම් පැළදුම්ද ගඟ දිගේ ගසාගෙන යමින් විය.
මුළු ගඟ පුරා විසිරී ගිය දේ අප හැකි  හැකි අයුරින් ගොඩදාගත්තද  අපගේ ඇදුම් සියල්ල තෙත බරිතවී තිබුනි.

අප ඒ පසු කලේ “කිරි අම්මා ඇල්ල” බව පසුව දැන ගත්තෙමු.ඒ නම කවුරුන් විසින් ; කවදා ;කුමන අරමුණක් පෙරදැරි කරගෙන යෙදුවා දැයි අප නොදන්නා මුත් එහි ඇති මුරණ්ඩු ස්වභාවය ; වයසට ගොස් හැරමිටියෙන් ගියද තමන්ගේ අභිමතය  පරිදි කටයුතු කරණ අච්චි අම්මා කෙනෙකු සිහි ගන්වයි.
 “ මා කාටවත් නතු නොවේ! එහෙත් සෑම සියළුදෙනාම මගේ වදනට අවන්ත විය යුතුයි !” 
මේ ඈ සිතූ හැටි වියයුතුයි.
 “මා කිසිවෙකුගේ  වහලෙකු නොවන්නාසේම කිසිවෙකු මාගේ වහලෙකුද නොවන්නේය” යැයි මාර්ටින් ලූතර් කිං වරෙක පවසා ඇතත් මේ කිරි අම්මා සිතා ඉන්නේ සියල්ලෝ ඇගේ වහළුන් යැයි කියාද ?

“එළ!........”
“එළ !!........”
“එළ !!!........”
“එළ !!!!........”
“………..”
“………..”

ගැඹුරු ගංදියේ කරණම් ගසා උඩු යටිකුරුවී සියල්ල දියෙන් තෙත් කරගත් අප එක වචනයකට අප සියල්ලන්ගේම අදහස් , හැඟීම් ගලපා ගතිමු!
ධම්මිකගේ ගෙලේ එල්වා සිටි  Go – Pro කැමරාවේ මෙම සිදුවීම යාන්තමින් සනිටුහන් වී ඇත.අපගේ කයාක පෙරලී යනු එහි  කදිමට සනිටුහන් වී ඇත.
මෙම ලින්කුවෙන් You Tube හි  ගාල් කොට ඇති මෙම වීඩියෝව බලාම ඉතිරි ටික කියවමු.


 

පම්පෝරියේ ඩිජිටල් මුහුණුවර!

සියල්ල නිරුපද්‍රිතවය.
දියබත් වූ සියල්ල සමගින් අප යාත්‍රා පදිමින්  විය. 
 අප වතුර පෙරෙමින්ය!  මේ වන විට හිරු පසු ගමන් අරඹා තිබුනි.සෙමෙන් සෙමෙන් කයාක ඉදිරියට ඇදෙමින් විය. ඒ වන විට අප ඝන වනන් තරයට ඇතුලු වී පැය 6 ක් පමණ ඉක්ම ගොස්‍ය. 
අප ගමන් ගන්නේ ගඟේ වම් ඉවුර ආසන්නයෙනි. මන්ද දකුණු පස ගල්පර හා වැලි කඳු ඇති බැවිනි. ඉන් සමහරක් දියෙන් මතුපිටද ; තවත් සමහර ඒවා දිය යටද පිහිටා තිබුනි. 
වේගයෙන් ගමන් ගන්නා කයාකය වැල්ලේ සිරවූ විට එය ගලවා ගැනීම අතිශයින්ම අපහසු කටයුත්තකි. එයට ප්‍රධන හේතුව වන්නේ ;  ගං දිය නිරන්තරයෙන් කයාකය තව තවත් වැලි පරය දෙසට තෙරපාගෙන සිටින හෙයින්‍ය.  එවිට අපට සිදුවන්නේ යාත්‍රාවෙන් එළියට බැස කෙටි දුරක් එය ඇදගෙන යාමටය. එහෙත් බොහෝ විට සිදුවන්නේ ඉතා කෙටි දුරකින් එය නැවත පෙරටත් වඩා තදින් සිරවීමයි. බරින් වැඩි  අපගේ කයාකයට මෙය බරපතල පාඩුවක් විය.

 අනෙක් කයාක් දෙකම PVC – Polyvinyl Chloride  ඒවාය.
බොහෝ විට සකසා  ඇත්තේ  PE-Polyethylene  හෝ   LDPP-Low Density Polypropylene   වලිනි.  එනිසා ඒවා බරින් අඩුය. ඒනිසාම එය දිය මතුපිට හොඳින් පාවෙයි. එනිසා දිය යට ඇති වැලි කඳු මතින් එය පහසුවෙන් ඇදගෙන යා හැක.

අපේ ගමන ඇරඹීමට පෙර එකතුවූ විටෙක තෙශාන්ත මා හා රහසින් පැවසූ පුවතක් විය. ඒ මහවැළි ගඟේ වැළිතලා යටින් වේගයෙන් බසිනා ජල දහරා ඇති බවත් ; ඒවා මතට අඩිය තැබුවහොත් භයානක ලෙස එරී ගිලී යන බවත්‍!
මෙය  ඕස්ට්‍රේලියාව වැනි රටවල ඇති  Quick Sand වැනි තත්වයක් ලෙස මා සිතුවෙමි.  Quick Sand එකකදි ඉන් ගැලවීමට කල යුතු හොඳම හා එකම පිළියම  වන්නේ වැල්ල මත වැතිරීමය! 



දොයි දොයිය බබා- එරෙන වැල්ලෙ නිදන් පුතා

දෙපයින් සිටගත් විට එමගින් වැල්ල මත ඇතිකරණ   පීඩනය වැඩි බැවින් ; පොලොව මත  වැතිරීමෙන් කරණුයේ තමාගේ නොවෙනස්  ස්කන්ධය බලපාන ක්ෂෙත්‍රඵ්ලය වැඩිකොට එමගින් පොලොව මත ඇතිකරණ්නාවූ පිඩනය අවම කොට අවදානයෙන් ගැලවීමයි. 

(“වර්ග ඒකක එකක පැතිරුණු   බලය පීඩනය  වේ” නාලන්දාවේ 8 පන්තියට විද්‍යාව උගැන්වූ ජී එච් ගෞතමදාස මහතාගෙ අර්ථ දැක්වීම!) 

මෙය හිතන්නට පවා බියජනක අත්දැකීමක් මෙන්ම පන පිටින් අපායෙ යැමක් ලෙස මාහට හැඟිනි.
Quick Sand එකකදි බිම වැතිරී ගැලවී ගන්නට හැකි වුවද ගඟක වැතිරෙන්නේ කෙසේද? වැලිවල ගිලෙන්නට පෙර  දියේ ගිලී මරු මුවට  පත්වීමට හේතු විය හැක!

වලි කඳු වල කයාකය සිරවී වැල්ලට පය තබන මොහොතක් මොහොතක් පාසා මෙම ප්‍රවාදය මාසිතට නැගුනි. එහෙත් පනපිටින්  අපාගත වීමකට අප කිසිවෙකු හාජනය වූයේ   නැත. මෙසේ කයාකය සිරවූ සෑම අවස්තාවකදීම එය සාපේක්ෂව  වඩාත් ගැඹුරු දියට ඇදගෙනගොස්  ගොස්  ගමන යලිදු  ගමන ය. මෙසේ  බොහෝ දුරක් ගට්බොහෝ දුරක් ගමන් ගත්ම; වම්පස  ඉවුර මතුපිට  කිසියම් ; තද කොල පැහැති ගොඩ නැගිල්ලක ගහ්  අතරින් යාතමින් දුටුවෙමු . මෙය පල්මුවෙන්ම දුටුවේ කවුරුන්ඩැයි මේ මොහොතේ මාහට මතක නැති වුවද එය කුමක් දැයි මයිත්‍රී  එකවරම හන්න්දුනාගත් බවනම් මාහට මතකය.

මහවැළි ......!

 නන්නාඳුනනා දේශයකදී ; හොඳින් දන්නා හඳුනන කෙනෙකු හමුවූ කලෙක මෙන් සතුටකින් මෛත්‍රී ඉපිල ගොස්‍ය.
වස්ගමුව අභය භූමිය තුල ඇති වනගත නිවස්නයන්ගෙන් එකක් වූ මෙහි පසුපස බිත්තිය දුටු පමනින් එය හඳුනා ගන්නට ඔහුට හැකිවී තිබුනි.
එවනවිට අප බොහෝ හෙම්බත්ව සිටිඅතර ; අපට ආහරයක් හෝ පානයක් ලැබෙන සුන්දර හිංඳි චිත්‍රපට කතාවක ; දයිවෝපගත සිද්ධීන්ගෙන් අනූන චර්ල්ස් ඩිකන්ස්ගේ , අලිසන්දර දියුමාගේ කතාවක මූලාරම්භයක් ලෙස මයිත්‍රීගේ මේ “සොයාගනීම  හඳුනාගැනීම නම්කිරීම” මාදුටුවෙමි !

ඒ නිමේශයේ මයිත්‍රී අප සැමගේ එකම ගැලවුම්   කාරයානෝ විය ! අප ඒ වන විට දැඩිව වෙහෙසට පත්ව සිටියෙමු . පාසල් සිසුවකු වූපාසල් සිසුවකු වූ වසික හැරෙන්නට අප  කණ්ඩායමේ අනෙක් සියළු දෙනා අපේක්ෂා කලේ “ඇඟ රත්වෙන්නට” යමක්‍ ය . මේ සඳහා හට තේ කෝප්පයක් ,කෝපි කෝප්පයක් සෑහෙන මුත් අප බල පොරොත්තු වූයේ ඉන් එහා ගිය යමක්‍ !

කෙතරම් බාධක , වැට කඩොළු ,නීති දැමූවද වනන්තරයක  රැයක් ගත කිරීමට, වන  බංගලාවක නිවාඩුවක් ගතකිරීමට යන ඕනෑම පෘතග්ජන  සත්වයෙකු තම ඇති හැකියාව අනුව සංස්ථා ගල් අරක්කු බෝතලයක සිට ඉහලට ඇති කිසියම් හෝ මධුවිතක් රැගෙන පැමිනීම ඉර  හඳ සේ විශ්වාස කල  හැකිය කරුණකි.

මෙවැනි ගමනකට  අනිවර්‍යයෙන්ම රැගෙන  යා යුතු ; විදුලි පන්දමක් ,ගිණි පෙට්ටියක්, ඉටිපන්දමක් ,සිතියමක් , දූර දක්නයක් , රථයේ අමතර රෝදය ,අමතර ඉන්ධන , ජැක් ,වීල් බ්‍රේස් , ප්‍රථමාධාර මල්ල වැනි අත්‍ය අවශ්‍ය   දෙයක් මග ඇරී ගියද අරක්කු බෝතලයක් සරමක හෝ තුවායක් ඔතා තම ගමන්  මල්ලේ අඩියටම දමා  රැගෙන එන්නට ; දුම් පනය කරණ්නෙක් නම් සිගරට් පෙට්ටියක් එකතු කරගන්නට අපේ සංචාරක මහත්වරුන් බොහෝසෙයින් විපිළිසර වේ.

එසේම එයින් කිසියම් මාත්‍රාවක් වන නිවස්නයේ සේවක මහතුනටද ලැබීමෙ ප්‍රවණතාවයක් පවතී. මයිත්‍රී නොදන්නා වන ජීවී නිළධරයෙකු සිටිය නොහැක .ඒ නිසාම මයිත්‍රී මේ අවස්ථාවෙදී  කල හැකි හොදම හා සර්ථකම “ඇම” වන්නේය. 
මේ සියල්ල සිතෙහි දරාගෙන  මයිත්‍රී ගේ සිතෙ හි ඇති “උනන්දුව” නමැති දුන්න අප විසින් හොදින් පනගන්වමින් විය. පොඩි ළම්යෙකුට සේ ගිහින් ඇසිය යුතු ප්‍රශ්ණ හා ඒවාට ලැබෙන පිළිතුරු පිළිබදව දැනුවත් කලෙමු .
ගඟක එක් ඉවුරකට සාපේක්ෂව අනෙක් ඉවුර ගැඹුරු වනවිට එම පස ජල කඳේ වේගයද අධික වීම ඉතා ස්වභාවික තත්වයකි. අප ගමන් කරණ්නේ මෙම ගැඹුරු දියේය.    ඉවුර ඉළුක් හා වෙනත් තණ පඳුරු වලින් වැසී ගොස්‍ය. ඉවුරෙ ආනතය  බොහෝසෙයින්‍ය. ඉවුර අඩි 30 ක් පමන  උස්‍ය. මෙම ඉවුරේ එක් විසල් කුඹුක් ගසක් තම අතු පතර නැබුරු කර ගනිමින්‍ය.

  සියල්ලටම ඉහලින් වන නිවස්නය හොදින් හොදින් පෙනේ. මා හා තෙශන්ත රැගත් කයාකය  හා පසිදුලාගේ කයාකය අසීරුවෙන් ඉවුර අසලට ගතිමු. අසීරුවෙන් ඉවුර අසලට ලංකරගත් අප අසල අවුරේ තනකොල පදුරු වල එල්ලී ගමන නවතා ගතිමු.කයාකය අප අත හැර ගගේ පාව යන්න ට උත්සාහ ගනිමින්‍ය. එකවරම මයිත්‍රීගේ කයාකය අප අස්ලට වේගයෙන් පැමිනෙමින් විය.

මයිත්රී මල්ලි පලයාන් ! ගිහින් වැඩේ හරියට දීපන් …..” 

මාපසු කොට ඊ ගහක් සේ ඇදෙන කයාකයේ ඉදිරියේ සිට මයිත්‍රීට මා කෑ ගැසුවෙමි. 
එම ස්ථානයේ ගඟ බොහෝ සෙයින් ගැඹුරු ඉසව්වකි. තීරුවකි. වතුර තද කොල පැහැතිය. එම ස්ථානය හා ඒ අවට රූස්ස කුඹුක් ගසකින්  වසාගෙනය. මුළු ගඟේම ජලයෙන්  ඉතා වැඩි ප්‍රථිශතයක් ගලන්නේ මෙම තීරුව හරහාය. එනිසාම එම ස්ථානයේ තියුනු හැඩපහරක් නිර්මාණය වී තිබුනි!

ඉවුරට නැගීමට ඇත්තේ තියුණු බෑවුමකි. වන නිවහනට ගොඩ වීමට නම් කයාකය ඉවුර අයිනට ගෙන එයට ගොඩ විය යුතුය. කයාක පැදීමේදී පසු පහරක් backstroke ඇත. 
සාමාන්ය වේගයකින් කයාකය ගමන් ගනිත්දී එමගින් කයාකය නැවැත් වීමට හෝ පසුපසට ධාවනයේ යෙද වීමට පුළුවන. 


පියවරක් ඉදිරියට -පියවර දෙකක් පසුපසට- ලෙනින් තෝරාගත් කෘථි වෙළුම් 12

බෝට්ටු , නැව් ආදියේද ගමන් නවතා  දැමීමට  ඇවැසි වේලාවට එහි අවර පෙත්ත propeller ආපසු කර කැවීමට සලස්වයි. 


දක්ෂිනාංවෘථ ඉදිරියට! වාමාවෘථ පසුපසට!! මේ වාලාම්පූරි ගැන නෙවේ! 

වෝටර් ජෙට් වලද ජල ප්‍රවාහය ආපසු නෝඑසේ නම එතෙක් ගැලූ දිශාවට විරුද්ධ දිශාවට ගමන් කර වීමට සලස් වීමට සකසනවා වියයුතුය.


ගගන ගත නොවන  ජෙට් - වෝටර් ජෙට්!

 එහෙත් මෙවන් වේගයෙන් ගමන් ගන්නාවිටදී පසුපස පහර යනු නාම පදයක් විනා ක්‍රියා විශේෂනයක් නොවන්නේය.
එහෙත් පැවති "දැඩි අවශ්යතාවය" නිසාම කුමක් හෝ කල යුතුව ඇත.
කයාකය උපරිම ත්වරණයකට ලක්වී විදියි!
අපේ කයාකයත්  පසිඳුලාගේ කයාකයත් එතෙක් රැඳී තිබුනු වන ඉලුක් පඳුරු ගලවාගෙන යන්නට් ඔන්න මෙන්නය!

තවත් ස්වල්ප මොහොතකින් කයාකය ගමන් ගන්නේ දියට නැමුනු කුඹුක් අතුපතර අතරින්ය.   මෙම ස්ථානයේ කයාකය නවතා ගැනීමට නොහැකි වුවහොත් එය නවතින්නේ තවත් මීටර 200 කට පමන ඈතිනි!

කරණ්නට ඇත්තේ එකම දෙයකි. ඒ භාහිර බලවේගයක පිහිට පැතීමය.

ඊට සුදුසුම සාධකය ඔවුන් ඉදිරියේය. දෙදෙනාම එකවර ක්‍රියාත්මක විය.

ඔවුන් මහත්වූ ආයාසයෙන් ගඟට නැමුනු අතු දෙකක් අල්ලා ගත්තෝය! 

  

දියෙන් බිහිවී දිය රකින්නට දිවිය ඇතිතෙක් දිවි ගෙවන්නෙමි!

කුඹුක්!

04. ගඟක් දිගේ ගිය ගමනක්

"ගඟක් දිගේ ගිය ගමනක්" කියන්නේ ගඟක් වගේම දිග කථාවක්. අමෙරිකනු ලේඛක හර්මන් මෙල්විල් ගේ ධවල තල්මසාගේ කථාන්දරය -"මෝබි ඩික්"...